پاکستان نےزمبابوے کوتیسرےٹی20 میں شکست دیکرسیریز جیت کرپریشانی کےعالم میں پاکستانیوں کوخوش کردیا

ہرارے: پاکستان نے زمبابوے کو تیسرے ٹی 20 میں شکست دیکر سیریز جیت کرپریشانی کے عالم میں پاکستانیوں کوخوش کردیا ،اطلاعات کے مطابق تین ٹی ٹوئنٹی میچوں کی سیریز کے آخری اور فیصلہ کن میچ میں پاکستان نے زمبابوے کو 24 رنز سے شکست دیکر سیریز 1-2 سے جیت لی۔

قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا اور ٹیم نے 3 وکٹوں کے نقصان پر 165 رنز بنائے۔

FIFTY for @iMRizwanPak 👏#ZIMvPAK | #HarHaalMainCricket | #BackTheBoysInGreen pic.twitter.com/6YCn0B8rQ5

— Pakistan Cricket (@TheRealPCB) April 25, 2021

پاکستان کی جانب سے اننگز کا آغاز شرجیل خان اور محمد رضوان نے کیا لیکن شرجیل خان 15 گیندوں پر 3 چوکوں کی مدد سے 18 رنز بنا کر آؤٹ ہو گئے۔

شرجیل خان کے آؤٹ ہونے کے بعد بابر اعظم وکٹ پر آئے اور انہوں نے محمد رضوان کے ساتھ مل کر ٹیم کے اسکور میں 126 رنز کا اضافہ کیا اور اس دوران دونوں کھلاڑیوں نے اپنی ففٹیز بھی مکمل کیں۔

Captain @babarazam258 brings up his fifty!👌#ZIMvPAK #HarHaalMainCricket #BackTheBoysInGreen pic.twitter.com/u8nL4Ic1cW

— Pakistan Cricket (@TheRealPCB) April 25, 2021

بابر اعظم 52 رنز بنا کرآؤٹ ہوئے جبکہ فخر زمان پہلی ہی گیند پر کیچ آؤٹ ہو گئے، محمد رضوان 60 گیندوں پر 3 چھکوں اور 5 چوکوں کی مدد سے 91 رنز بنا کر ناٹ آؤٹ رہے، زمبابوے کی جانب سے لیوک جونگوے نے تین وکٹیں حاصل کیں۔

ہدف کے تعاقب میں میزبان ٹیم 7 وکٹوں کے نقصان پر 141 رنز بناسکی، ویزلی مدھویرے 59رنزبناکرنمایاں رہے جب کہ تاڈی وناشے مارومانی 35 اوربرینڈن ٹیلرنے 20 رنزبنائے۔

پاکستان کی جانب سےحسن علی نے18رنزدے کر4 وکٹیں حاصل کی،حارث رؤف نے2 اور محمدحسنین نےایک کھلاڑی کوآؤٹ کیا۔ٹیم کے لیے شان دار کارکردگی پر حسن علی کومیچ کا بہترین کھلاڑی قرار دیا گیا جبکہ محمد رضوان کو سیریز کے بہترین کھلاڑی کا ایوارڈ دیا گیا.

⚡ Fastest to reach 2,000 T20I runs ⚡

The brilliant @babarazam258 bags another record 👏👏👏#ZIMvPAK | #HarHaalMainCricket | #BackTheBoysInGreen pic.twitter.com/8Lsoi1ceIl

— Pakistan Cricket (@TheRealPCB) April 25, 2021

خیال رہے کہ سیریز کے پہلے میچ میں پاکستان نے محمد رضوان اور باؤلرز کی عمدہ کارکردگی کی بدولت زمبابوے کو پہلے ٹی20 میچ میں 11 رنز سے شکست دی تھی۔

تاہم دوسرے میچ میں زمبابوے نے دوسرے ٹی ٹوئنٹی میں باؤلرز کی شان دار کارکردگی کی مدد سے پاکستان کی پوری ٹیم کو صرف 99 رنز پر آؤٹ کرکے باآسانی 19 رنز سے شکست دے دی تھی۔

تیسرے میچ کے لیے قومی ٹیم میں شرجیل خان، سرفراز احمد اور حسن علی کو ٹیم میں موقع دیا گیا تھا۔

میچ کے لیے دونوں ٹیمیں ان کھلاڑیوں پر مشتمل تھیں:

پاکستان: بابر اعظم (کپتان)،شرجیل خان، سرفراز احمد، فخر زمان، محمد رضوان، محمد حفیظ، فہیم اشرف، حسن علی، محمد حسنین، حارث رؤف، شرجیل خان اور عثمان قادر

زمبابوے: سین ولیمز (کپتان)، ویزلے مدہیورے، تدیوَناشے مرومانی، رائن بَرل، ریجِس چاکبوا، لیوک جونگوے، ویلنگٹن مساکڈزا، بلیسنگ مزربانی اور رِچرڈ نراوا، تریسائیمساکنڈا