دنیا والو ! پاکستان ایک خوبصورت ترین ملک ہے،9 مقامات پرضرورجائیں ،عالمی ادارے کااعلان

لندن:دنیا والو !پاکستان ایک خوبصورت ترین ملک ہے،9 مقامات پرضرورجائیں ،عالمی ادارے کااعلان،اطلاعات کےمطابق سیاحت اور ثقافت پر نظر رکھنے والے برطانوی جریدے ’ونڈر لسٹ‘ نے پاکستان کو سال 2020 کے لیے پرکشش ملک قرار دیتے ہوئے 9 مقامات کی نشاندہی کر کے غیرملکیوں کو وہاں جانے کا مشورہ دے دیا۔

ونڈر لسٹ کی جانب سے آئندہ سال کے لیے سیاحت کے پرکشش مقامات کی فہرست بھی جاری کی گئی ،رپورٹ میں پاکستان کے نو مختلف مقامات کا انتخاب کیا ہے جن میں ہمالیہ کے بلند و بالا پہاڑ، سبزے سے ڈھکی وادیاں اور سنہری ریت کے میدان سمیت پتھریلے پہاڑ بھی شامل ہیں۔

برطانوی جریدے نے پاکستان کے جن حسین مقامات کا تعین کیا گیا اُن میں بلتورو گلیشیئر، آزادی کشمیر کی وادیٔ نیلم، جھیل سیف الملوک، وادیٔ ہنزہ، عطاآباد جھیل، ہنگول نیشنل پارک، ویسوئی پلینس، ٹرینگو ٹاور اور تھر کے صحرا شامل ہیں۔رپورٹ میں بتایا گیا ہے کہ پاکستان کے مذکورہ علاقے قدرتی خوبصورتی کے حامل اور غیر معمولی مقامات ہیں جہاں سیاحوں کو مقامی لوگوں کا رش نہیں ملے گا۔

یادرہےکہ دودن قبل وزیر اعظم عمران خان نے برطانوی جریدے کی اسی رپورٹ پر ٹویٹ کرتے ہوئے کہا کہ ’پاکستان وہ دھرتی ہے جس کی خاک میں قدرتی عجائب کا خزانہ پوشیدہ ہے، پاکستان کا دامن غیر دریافت شدہ سیاحتی مقامات سے بھرا پڑا ہے‘۔یاد رہے کہ حال ہی میں برطانیہ کے معروف جريدے ‘کونڈے نیسٹ ٹريولز’ نے پاکستان کو 2020 ميں سياحت کے لیے بہترين ملکوں ميں اولين قرار ديا تھا۔