بھارتی میڈیا نے دعویٰ کیا ہے کہ پاکستان بھارت کے ساتھ ستمبر یا اکتوبر میں جنگ شروع ہو سکتا ہے، اس کے لئے پاکستان نے تیاری شروع کر دی ، بھارتی میڈیا کے دعویٰ کے بعد بھارت میں کھلبلی مچی ہوئی ہے، بھارتی فوجی حکام نے سرجوڑ لئے.
باغی ٹی وی کی رپورٹ کے مطابق بھارتی میڈیا نے دعویٰ کیا ہے کہ پاکستان بھارت کے خلاف جنگ کی تیاری کر رہا ہے اس ضمن میں پاکستان نے بڑی تعداد میں اسلحہ لائن آف کنٹرول کے قریب آزاد کشمیر میں منتقل کرنا شروع کر دیا ہے.بھارتی میڈیا نے دعویٰ کیا ہے کہ پاک فوج نے لائن آف کنٹرول کے قریب اپنی فوج بڑھا دی ہے ،چھ بریگیڈ ایل او سی پر آںے کے لئے تیار ہیں، پاک فوج کا خصوصی ونگ بھی ایل او سی پر پہنچ چکا ہے.
بھارتی میڈیا کی رپورٹ کے مطابق برف پگھلنے کے بعد ستمبر یا اکتوبر میں پاکستان جنگ شروع کر سکتا ہے اسی لئے پاکستان بھرپور تیاری کر رہا ہے ،پاکستان کی تیاری سے لگتا ہے کہ پاک فوج بھارت پر بڑا حملہ کرنے والی ہے.
بھارتی میڈیا نے پاکستان کے آرمی چیف جنرل قمر جاوید باجوہ کے بیان کا حوالہ بھی دیا جس میں آرمی چیف نے کہا کہ پاک فوج بھارتی سرگرمیوں پر نظر رکھے ہوئے ہے اور کسی بھی جارحیت کا بھر پور جواب دینے کے لئے تیار ہے،
بھارتی میڈیا نے یہ بھی دعویٰ کیا کہ پاکستان کی تین بڑی بحری بندرگاہوں کراچی، اورامارہ اور گوادر کو مکمل طور پر خالی کرا لیاگیاہے.
