پاکستان کے قونصل خانے کے باہر بھگدڑ مچنے سے کئی ہلاکتیں
باغی ٹی وی : افغان میڈیا کے مطابق بھگڈر قونصل خانے کے باہر ویزا کے حصول کے وقت مچی، قونصل خانے کے باہر 3 ہزار سے زائد افراد موجود تھے۔بین الاقوامی خبر رساں ایجنسی رائٹرز کے مطابق ہلاک ہونے والے 15 افراد میں سے 11 خواتین ہیں جب کہ زخمی ہونے والے افراد میں بزرگ بھی شامل ہیں۔
چند روز قبل افغان صوبے غور میں ہونے والے بم دھماکے میں 12 افراد جاں بحق اور 100 سے زائد زخمی ہو گئے تھے۔غیر ملکی خبر رساں ایجنسی کے مطابق ٖغور کے دارالحکومت فیروز کوہ میں پولیس ہیڈکوارٹر کے قریب دھماکہ ہوا۔ جس کی شدت زیادہ ہونے کی وجہ سے قریبی عمارتیں بھی تباہ ہو گئیں۔
اس سے قبل صوبے میدان وردک کے علاقے جل ریز میں سڑک کنارے نصب دو بم پھٹنے سے 10 افراد زخمی بھی ہوئے، زخمیوں میں ایک خاتون اور 4 بچے بھی شامل ہیں، دھماکے سے دو گاڑیاں تباہ ہو گئیں۔
صوبے خوست کے ضلع زازئی میدان کے گورنر کو کابل جاتے ہوئے ٹارگٹ کلنگ کا نشانہ بنایا گیا، وہ موقع پر ہی دم توڑ گئے۔
