ایشیا کپ سپر فور مرحلے کے اہم میچ میں بھارت نے پاکستان کو 228 رنز کے بھاری مارجن سے شکست دے دی ہے اور کولمبو میں کھیلے گئے میچ میں بھارت نے پہلے بیٹنگ کرتے ہوئے 2 وکٹوں کے نقصان پر 356 رنز بنائے قومی ٹیم ہدف کے تعاقب میں 32 اوورز میں 128 رنز پر ڈھیر ہوگئی جبکہ پاکستان کے صرف چار کھلاڑی ڈبل فگر میں داخل ہوسکے، فخر زمان نے 27 رنز بنائے، افتخار احمد اور آغا سلمان نے 23، 23 رنز بنائے ،کپتان بابر اعظم صرف 10 رنز بنا کر پانڈیا کا نشانہ بنے۔
Largest margin of victory for 🇮🇳 against Pakistan in men's ODIs ✅
A terrific result for India 👏#AsiaCup2023 | #PAKvIND | https://t.co/lVQWhUIzlk pic.twitter.com/V7XGWldfyt
— ICC (@ICC) September 11, 2023
بھارت کی جانب سے کلدیپ یادیو نے پانچ کھلاڑیوں کو پویلین کی راہ دکھائی، کولمبو میں کھیلے جارہے میچ میں بھارت نے مقررہ اوورز میں 2 وکٹوں کے نقصان پر 356 رنز بنائے اور پاکستان کو جیت کے لیے 357 رنز کا ہدف دیا تھا، بھارت نے جانب سے ابتدائی چار بیٹرز نے شاندار کارکردگی کا مظاہرہ کیا۔ شبھمن گل نے 58 رنز کی اننگز کھیلی، کپتان روہت شرما بھی 56 رنز بنا کر نمایاں رہے جبکہ ویرات کوہلی 122 رنز کے ساتھ ناٹ آؤٹ رہے، کے ایل راہول نے 111 رنز کی شاندار اننگز کھیلی۔پاکستان کی جانب سے شاداب خان اور شاہین آفریدی ایک، ایک وکٹ حاصل کرسکے۔
What a way to gear up for the upcoming #CWC23 🙌#AsiaCup2023 | #PAKvIND | https://t.co/qQxbB3eqQW pic.twitter.com/MKcBCtJwzo
— ICC (@ICC) September 11, 2023
بھارتی ٹیم نے گزشتہ روز بارش سے قبل 24.1 اوور میں دو وکٹوں کے نقصان پر 147 رنز بنائے تھے۔ آج میچ کا اسی دوراہے سے دوبارہ آغاز کیا گیا تاہم محکمہ موسمیات نے آج رات 11 بجے تک موسلا دھار بارش کی پیشگوئی کی ہے جس کے باعث میچ میں بارش کے مداخلت کرنے کا خطرہ برقرار ہے جبکہ دوسری جانب آج صبح سے کولمبو میں بارش کے بعد جب سورج نکلا تو امپائرز نے میدان اور پچ کا معائنہ کرنے کے مقررہ وقت سے دو گھنٹے تاخیر سے میچ شروع کرنے کا فیصلہ کیا۔
گزشتہ روز پاکستانی کپتان بابر اعظم نے ٹاس جیتنے کے بعد پہلے بیٹنگ کا فیصلہ کیا تھا جو غلط ثابت ہوا اور بھارتی اوپنرز نے صرف 14 اوورز میں ٹیم کی سنچری مکمل کرا دی۔ دونوں کے درمیان 16.4 اوورز میں 121 رنز کی تیز رفتار پارٹنر شپ قائم ہوئی، جس کو شاداب خان نے روہت شرما کی وکٹ حاصل کرکے توڑا۔ 123 رنز پر دوسرے اوپنر شبھمن گل کی وکٹ شاہین شاہ نے حاصل کی دونوں بلے بازوں نے نصف سنچریاں اسکور کیں۔
قومی ٹیم کے کپتان بابر اعظم نے بھارت کے ہاتھوں بدترین شکست پر ٹیم کی خراب پرفارمنس کا اعتراف کرتے ہوئے کہا ہے کہ بھارتی کھلاڑی ہمارے بولرز کے خلاف پلان بنا کر آئے تھے۔ ایشیا کپ سپر فور مرحلے کے میچ میں بھارت نے پاکستانی ٹیم کو عرش سے فرش پر پہنچا دیا۔
پاکستان کو بھارت کے ہاتھوں 228 رنز کی شکست کی ہزیمت اٹھانا پڑی، بھارت کے 357 رنز کے ہدف کے تعاقب میں قومی ٹیم کی اننگ محض 128 رنز تک محدود رہی، روایتی حریف بھارتی پلیئرز نے پہلے بیٹنگ اور پھر بولنگ میں پاکستانی کھلاڑیوں پر پے در پے وار کیے۔
بھارت کے ہاتھوں بدترین شکست پر ٹیم کی خراب کارکردگی کا اعتراف کرتے ہوئے کپتان بابر اعظم نے کہا کہ بھارتی کھلاڑی ہمارے بولرز کے خلاف پلان بنا کر آئے تھے، میچ کے بعد گفتگو کرتے ہوئے کپتان نے مزید کہا کہ ہم نے کسی شعبے میں بھی اچھا نہیں کھیلا۔ بابراعظم نے کہا کہ بھارتی کھلاڑیوں نے ہمارے بولرز کے خلاف اٹیکنگ کرکٹ کھیلی۔
