پاکستان کی برآمدات بارے اچھی خبر آگئی
باغی ٹی وی : 8 سال کے بعد پہلی مرتبہ پاکستان کی برآمدات مسلسل 4 ماہ کے دوران 2 ارب ڈالر سے زائد رہیں۔
مشیر برائے تجارت عبد الرزاق داؤد کا کہنا تھا کہ ہماری برآمدات میں اضافہ کا رجحان برقرار ہے۔انہوں نے یہ دعویٰ سماجی رابطے کی ویب سائٹ پر کیا ہے .
https://twitter.com/razak_dawood/status/1356214319134990339?s=20
وزیراعظم عمران خان کے مشیر برائے امور تجارت عبدالرزاق داؤد نے کہا ہے کہ 8 سال میں پہلی مرتبہ پاکستانی برآمدات مسلسل 4 ماہ 2 ارب ڈالر سے زائد رہی ہیں۔
اسلام آباد سے جاری بیان میں عبدالرزاق داؤد نے کہا کہ یہ بتاتے ہوئے مجھے مسرت محسوس ہو رہی ہے کہ ہماری برآمدات میں اضافےکا رجحان برقرار ہے۔
انہوں نے کہا کہ جنوری 2021ء میں پاکستانی برآمدات 8 فیصد اضافے کے بعد 2 اعشاریہ 135 ارب ڈالر رہیں جبکہ گزشتہ سال اسی دورانیے میں یہ برآمدات 1 اعشاریہ 978 ارب ڈالر تھیں۔
انہوں نے کہا کہ جنوری 2021 میں پاکستان کی برآمدات 8 فیصد بڑھ کر 2.135 ارب ڈالر رہیں، گزشتہ سال جنوری میں برآمدات 1.978 ارب ڈالر تھیں۔
