پاکستان کی معروف ٹک ٹاک اسٹار خدیجہ خان نے نکاح کرلیا۔
باغی ٹی وی : ٹک ٹاک پر 17 لاکھ فالوورز رکھنے والی ٹک ٹاکرخدیجہ خان نے اپنے نکاح کی تصویریں اپنے آفیشل انسٹاگرام اکاؤنٹ پر شیئر کیں۔
خدیجہ خان نے انسٹاگرام پر اپنے شوہر کو انگوٹھی پہناتے ہوئے تصویر شیئر کی جس کے کیپشن میں اُنہوں نے اپنے شوہر سے مخاطب ہوکر لکھا کہ جب آپ میرا ہاتھ تھامتے ہیں تو لگتا ہے آپ نے میرا دل بھی تھام لیا۔
اس کے علاوہ خدیجہ خان نے اپنے شوہر کے ہمراہ اپنے نکاح کی تقریب کی کچھ دلکش تصویریں بھی شیئر کیں۔
مذکورہ تصویروں میں دیکھا جاسکتا ہے کہ خدیجہ خان نے اپنی زندگی کے سب سے خاص موقع پر گولڈن رنگ کے عروسی لباس کا انتخاب کیا جس میں وہ بےحد خوبصورت لگ رہی ہیں۔
خدیجہ خان کے نکاح کی تصویروں کو سوشل میڈیا صارفین کی جانب سے بہت پسند کیا جارہا ہے اور صارفین اُن کی نئی زندگی کے لیے نیک خواہشات کا اظہار بھی کررہے ہیں۔
ٹک ٹاکر نے اپنے ٹک ٹاک اکاؤنٹ پر بھی نکاح کی ویڈیو شئیر کی جسے صارفین کی جانب سے خوب پسند کیا جارہا ہے اور نیک تمناؤں کا اظہار کیا جا رہا ہے-
واضح رہے کہ خدیجہ خان کے ٹک ٹاک پر 17 لاکھ فالوورز ہیں جبکہ انسٹاگرام پر اُنہیں دو لاکھ سے زائد صارفین نے فالو کیا ہوا ہے۔
