پاکستان کے چاروں کیوئسٹس اسجد اقبال، محمد بلال، ذوالفقار عبدالقادر اور بابر مسیح فتوحات برقرار رکھتے ہوئے ایشیئن سکس ریڈ سنوکر چیمپئن شپ ناک آئوٹ مرحلے میں پہنچ گئے ہیں۔ محمد بلال، بابر مسیح اور اسجد اقبال لگاتار تین گیمز جیت کر ایونٹ میں ناقابل شکست ہیں
باغی ٹی وی کی رپورٹ کے مطابق قطر میں جاری چیمپئن شپ میں کھیلے گئے. گروپ اے میں اسجد اقبال نے اپنے آخری میچ میں ہانگ کانگ کے لین ٹانگ ہو کو زبردست مقابلے کے بعد 5-4 فریمز سے زیر کر کے مسلسل تیسری کامیابی حاصل کی، گروپ بی کے میچ میں محمد بلال نے میزبان ملک کے کیوئسٹ خامس کو یکطرفہ مقابلے کے بعد 5-0 فریمز سے ہرا کر مسلسل تیسری کامیابی حاصل کی،
گروپ سی میں پاکستان کے بابر مسیح نے اپنے آخری میچ میں قطر کے مہانا العبیدلی کو 5-2 فریمز سے شکست دے کر فتوحات کی ہیٹرک کر لی۔
گروپ کے میں ذوالفقار عبدالقادر کو لگاتار تین فتوحات کے بعد چوتھے اور آخری میچ میں افغانی کیوئسٹ نادر سلطانی کے ہاتھوں سنسنی خیز مقابلے کے بعد 5-4 فریمز سے شکست کا سامنا کرنا پڑا۔
