پاکستان میں کورونا سے مزید 56 اموات، مثبت کیسز میں اضافہ

پاکستان میں کورونا کی لہر میں شدت،24 گھنٹوں میں 56 اموات

باغی ٹی وی کی رپورٹ کے مطابق پاکستان میں کرونا کی تیسری لہر جاری ہے، کورونا مریضوں اور اموات میں مسلسل اضافہ ہو رہا ہے

Statistics 30 May 21:
Total Tests in Last 24 Hours: 55,965
Positive Cases: 2697
Positivity % : 4.81%
Deaths : 56

— NFRCC (@NFRCCofficial) May 30, 2021

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق عالمی وبا کورونا وائرس پاکستان میں تیزی سے پھیل رہا ہے ملک بھر میں کورونا سے اموات کا اموات کا سلسلہ جاری ہے گزشتہ 24 گھنٹوں میں کرونا سے مزید 56 اموات ہوئی ہیں-

این سی او سی کے مطابق گزشتہ روز کورونا کے 55 ہزار965 ٹیسٹ کئے گئے2 ہزار697 نئے کیس سامنے آ گئے۔ ملک بھر میں مثبت کیسز کی شرح تقریبا 4.81 فی صد رہی۔

پاکستان میں کورونا سے اموات کی مجموعی تعداد 20 ہزار527 تک پہنچ گئی جبکہ متاثرہ افراد کی مجموعی تعداد 9 لاکھ 13 ہزار 139 ہو چکی ہے۔

خیال رہے کہ پاکستان میں کورونا کی ویکسینیشن جاری ہے اور پانچویں مرحلے میں30 سال سے زائد سال کے درمیان عمر والے افراد کو ویکسین لگائی جا رہی ہے جبکہ 18 سال سے زائد عمر کے افراد کی ویکسین کی رجسٹریشن جاری ہے-

تیس سال اور زائد عمر کے افراد کے لئے walkin ویکسینیشن کا آغاز کر دیا گیا ہے. اگر آپ کو ابھی تک کوڈ نہیں موصول ہوا تو اپنا شناختی کارڈ نمبر 1166 پر دوبارہ بھیجیں اور کسی بھی قریبی ویکسینیشن مرکز جاکر ویکسین لگوائیں.

— NFRCC (@NFRCCofficial) May 29, 2021

اس حوالے سے این سی او سی نے ٹوئٹر پر جاریاپنے پیغام میں کہا ہےکہ تیس سال اور زائد عمر کے افراد کے لئے walkin ویکسینیشن کا آغاز کر دیا گیا ہے. اگر آپ کو ابھی تک کوڈ نہیں موصول ہوا تو اپنا شناختی کارڈ نمبر 1166 پر دوبارہ بھیجیں اور کسی بھی قریبی ویکسینیشن مرکز جاکر ویکسین لگوائیں.