پاکستان میں ایسا کوئی نہیں جو میری اداکاری کا مقابلہ کرے اداکارہ

پاکستان شوبز انڈسٹری کے معروف اداکارہ میرا نے ایک انٹرویو میں انکشاف کیا کہ ٹی وی ہو یا فلم انڈسٹری دونوں ہی جگہ ان کے ساتھ زیادتی کی جاتی ہے اداکارہ نے یہ انکشاف بھی کیا کہ ٹیلی ویژن اور فلم انڈسٹری دونوں ہی جگہ مافیا موجود ہے جو ان کے خلاف کام کرتا ہے اور انہیں آگے بڑھنے نہیں دیتا

اداکارہ میرا گزشتہ سال اپنی فلم ‘باجی’ کے ساتھ سینما اسکرینز پر جلوہ گر ہوئیں اس فلم کی کہانی کے ساتھ ساتھ میرا کی اداکاری کو بھی خوب سراہا گیا جس کے بعد مداحوں نے اداکارہ کو مزید پروجیکٹس میں دیکھنے کی خواہش کا اظہار کیا

42 سالہ اداکارہ نے فلم ‘باجی’ کی کامیابی کے بعد اپنے انٹرویو میں کہا کہ وہ اب ٹیلی ویژن کے ڈراموں میں کام کرنے کے حوالے سے بھی سنجیدگی سے سوچیں گی

میرا کا کہنا تھا کہ پہلے میں ڈراموں کے حوالے سے سنجیدہ نہیں تھی لیکن اس سال میں نے فیصلہ کیا ہے کہ میرا فوکس ٹی وی پر بھی رہے گا ڈراموں میں کام کرنے کے ساتھ ساتھ متعدد پروگرامز میں میزبانی کرتی بھی نظر آؤں گی

فحش گفگتو کرنے والے شخص کو میرا کا خصوصی پیغام

اداکارہ کا دعوی تھا کہ اداکاری میں کوئی میرا مقابلہ کرے ایسا پاکستان میں تو کوئی نہیں ماہرہ کو تنقید کا سامنا بناتے ہوئے کہا کہ میں ماہرہ خان سے زیادہ باصلاحیت ہوں میں نے اپنے ٹیلنٹ کی بنا پر یہ جگہ حاصل کی جبکہ ماہرہ خان کو یہ مقام صرف اور صرف بالی وڈ اداکار شاہ رخ خان کی وجہ سے ملا

میرا نے یہ بھی کہا کہ ماہرہ خان 27 سال کی عمر میں انڈسٹری کا حصہ بنی اور ان کی اور ماہرہ کی عمر میں زیادہ فرق نہیں یہ پہلا موقع نہیں تھا جب میرا نے ماہرہ خان پر تنقید کی ہو اس سے پہلے بھی میرا نے ایک بیان میں کہا تھا کہ ماہرہ خان نے بالی وڈ میں کام کرکے ان کی نقل کی جبکہ مداحوں کو مشورہ دیا تھا کہ وہ ماہرہ خان کی اداکاری دیکھ کر اپنا وقت ضائع نہیں کریں

انٹرویو کے دوران اداکارہ نے کیپٹن نوید کے ساتھ سامنے آئے اپنے ویڈیو اسکینڈل پر بات کرتے ہوئے کہا کہ ان ویڈیوز میں کوئی حقیقت نہیں کیوں کہ ان کا اور کیپٹن نوید کا چہرا فوٹو شاپ کیا گیا

میرا کا کہنا تھا کہ ان کے حوالے سے سامنے آئے ایسے اسکینڈلز میں کوئی حقیقت نہیں اور یہی وجہ ہے کہ انہیں مایوسی کا سامنا کرنا پڑا

داکارہ نے انٹرویو کے دوران یہ بھی انکشاف کیا کہ وہ سیاست میں دلچسپی لیتی ہیں اور مستقبل میں سیاست کا حصہ بھی بن سکتی ہیں

میرا کے مطابق وہ اس سال اپنی پروڈکشن کمپنی کے بینر تلے ایک فلم پر کام کررہی ہیں جس کی کہانی بھی انہوں نے خود تحریر کی اداکارہ کے مطابق جلد اس فلم کی کاسٹ بھی سامنے آجائے گی