کرونا کی وجہ سے پاکستان میوزیشنز آرٹسٹ ایسوسی ایشن نے حکومت سے مطالبات کر دیے
اسلام آباد:پاکستان میوزیشنز آرٹسٹ ایسوسی ایشن کے چیئرمین شبیہہ سین کی نیشنل پریس کلب میں پریس کانفرنس کرتے ہوئے کہا کہ پنجاب حکومت کا کرونا کرائسسز پر فنکاروں کے احتجاج پر نوٹس اور امداد کے اعلان کا خیر مقدم کرتے ہیں انہوں نے کہا کہ اس میں نظر انداز ہونے والے طبقے تک امداد نہ پہنچنے پر افسوس ہے،گلوکار،سازندے،قوال گروپس ،لوک فنکار ،اور نعت خواں حضرات نظر انداز ہوئے،ان فنکاروں کی بڑی تعداد کرائے کے مکانوں میں رہائش پزیر ہے، کام نہ ہونے کی وجہ سے دو ماہ سے مشکلات کا شکار ہیں،
وزیر اعظم پاکستان عمران خان ،صدر مملکت عارف علوی وزیر اطلاعات اور معاون خصوصی عاصم سلیم باجوہ سے ہمارے مطالبات پرتوجہ دیں،انہوں نے مطالبہ کیا کہ پنجاب حکومت کے اعلان کے مطابق اس امداد کا اطلاق سنگرز، میوزیشنز،قوال اور نعت خواں پر کیا جائے،حکومت پاکستان اس امدادی پیکج کا اطلاق تمام صوبوں اور وفاق کے فنکاروں پر کیا جائے،
انہوں نے مزید کہا کہ پاکستان بھر کے آرٹ کونسلز کو فوری فعال کیا جائے تمام میوزیشنز ،قوال گروپس اور فنکاروں کی رجسٹریشن کی جائے۔کرونا کرائسسز فنڈز کا اطلاق کرونا کی بڑھتی ہوئی صورتحال اور مدت کو مدنظر رکھتے ہوئے کیا جائے،اس موقع پر شیری بخشی گلوکار نے کہا کہ فنکار پاکستان کا سفید پوش طبقہ ہے حکومت سے مطالبہ ہے کہ فوری طور پر امداد کا اعلان کیا جائے فنکار اس وقت بے روزگاری کا شکار ہیں تمام صوبائی وزارائے اعلیٰ سے بھی ہمارے یہی مطالبات ہیں فنکاروں کو فوری طور امداد فراہم کی جائے
