پاکستان میں کرونا وائرس سے پہلی ہلاکت کی تصدیق
باغی ٹی وی :پاکستان میں کرونا وائرس سے پہلی ہلاکت کی تصدیق ہو گئی، وزیر صحت پنجاب نے کہا ہے کہ صوبے میں کرونا کے مزید 5 مریضوں کا پتہ چلا ہے، اس طرح پنجب میں متاثرین کی مجموعی تعداد 6 ہو گئی.
انہوں نے کہا کہ گرینڈ ہیلتھ الائنس نے مشکل کی گھڑی میں بھی انسانیت سوز قدم اٹھاتے ہوئے علاج سے انکار کر دیا۔ ملک میں ایک طرف کرونا وائرس کے خدشات ہیں، ایمرجنسی صورتحال میں بعض مریضوں کی زندگیوں کو شدید خطرات لاحق ہیں اس کے باوجود ینگ ڈاکٹرز نے ہسپتالوں کے ان ڈور اور، آؤٹ ڈور وارڈز میں ہڑتال کرتے ہوئے کام چھوڑ دیا جس سے غریب مریضوں کی جانیں خطرناک صورتحال کا شکار ہو گئیں .
لاہور میں پریس کانفرنس کرتے ہوئے صوبائی وزیر صحت کا کہنا تھا کہ پہلے فیز میں ایران سے پنجاب پہنچنے والے 42 زائرین کے ٹیسٹ کیے گئے تھے جس میں 5 مثبت آئے۔
یوں ملک بھر میں اب تک سامنے آنے والے کورونا کیسز کی تعداد 193 ہوگئی ہے جس میں سندھ کے 155، خیبرپختونخوا کے 15، بلوچستان کے 10، جبکہ گلگت بلتستان کے 5 کیسزشامل ہیں۔
قبل ازیں سندھ میں مزید 5 کیسز سامنے آنے کے بعد صوبے میں متاثرین کی تعداد 155 تک پہنچ گئی تھی جبکہ ملک میں مجموعی طور پر 193 لوگ وائرس سے متاثر ہوچکے ہیں
