پاکستان نے سٹیٹ آئل کمپنی آف آزربائیجان سے دوسرا ایل این جی کارگو حاصل کر لیا

پاکستان ایل این جی لیمیٹڈ نے جی ٹو جی کے فریم ورک معاہدے کے تحت سٹیٹ آئل کمپنی آف آزربائیجان سے دوسرا ایل این جی کارگو حاصل کر لیا

وزارت توانائی (پیٹرولیم ڈویژن) اور پاکستان ایل این جی لمیٹڈ نے گورنمنٹ ٹو گورنمنٹ فریم ورک معاہدے کے تحت آذربائیجان کی اسٹیٹ آئل کمپنی سے دوسرے ایل این جی کارگو کی کامیاب خریداری کا اعلان کرتے ہوئے اطمینان کا اظہار کیا۔ کارگو فروری 2024 میں ڈیلیوری کے لیے مقرر ہے ۔پاکستان اور آذربائیجان کے درمیان توانائی کی شراکت داری کو مزید مستحکم کرنے کا باعث بنے گا۔

جولائی 2023 میں، پاکستان ایل این جی لیمیٹڈ اور سٹیٹ آئل کمپنی آف آزربائیجان نے حکومت سے حکومت کے فریم ورک کے تحت ایک تاریخی فریم ورک معاہدے پر دستخط کیے، جو دونوں ممالک کے درمیان دوطرفہ توانائی تعاون میں ایک اہم سنگ میل ہے۔ فریم ورک معاہدے میں یہ شرط رکھی گئی ہے کہ سٹیٹ آئل کمپنی آف آزربائیجان پاکستان ایل این جی لیمیٹڈ کو ماہانہ ایک ایل این جی کارگو کی پیشکش کر سکتا ہے، جبکہ پاکستان ایل این جی لیمیٹڈ کی جانب سے ان پیشکشوں کو قبول کرنا پاکستان میں ایل این جی کی طلب اور تجارتی تحفظات سے مشروط ہے، ملک کی بڑھتی ہوئی توانائی کی ضروریات کو پورا کرنے کے لیے ایل این جی کی قابل اعتماد اور مسلسل فراہمی کو یقینی بناتا ہے۔

دسمبر 2023 میں اس معاہدے کے تحت پہلے کارگو کی کامیاب ترسیل پاکستان ایل این جی لیمیٹڈ اور سٹیٹ آئل کمپنی آف آزربائیجان دونوں کے فریم ورک معاہدے کی شرائط کو پورا کرنے اور شراکت داری کو فروغ دینے کے عزم کا ثبوت ہے۔ دوسرا ایل این جی کارگو اس شراکت داری کو مزید مستحکم کرتا ہے اور موسم سرما کے مہینوں میں پاکستان کے لیے قابل اعتماد توانائی کی فراہمی کی اہمیت کو اجاگر کرتا ہے۔
رپورٹ، محمد اویس، اسلا م آباد

جنوری اور فروری کے ایل این جی کارگوز کے لیے پاکستان کو بولیاں موصول