پاکستان نے ویزہ دیا لیکن بھارتی ہٹ دھرمی جاری، سدھو نے کیا دبنگ اعلان
باغی ٹی وی کی رپورٹ کے مطابق کرتارپورراہداری کی افتتاحی تقریب میں شرکت کے حوالہ سے نوجوت سنگھ سدھو نے بھارتی وزیرخارجہ کوخط لکھ دیا جس میں انہوں نے کہا کہ باربار یاد دہانی کے باوجودمیری درخواست کا جواب نہیں ملا،بھارت سرکار سے کرتارپورراہداری میں شرکت کیلئےدرخواست کی تھی، ابھی تک کرتاپورجانے کی اجازت یا انکارنہیں کیا گیا،
نوجوت سنگھ کا کہنا تھا کہ جواب میں تاخیرسے میرا لائحہ عمل متاثرہورہا ہے،اگرحکومت کواعتراض ہے توانکارکردے، جواب نہ دیاگیا تولاکھوں سکھوں کی طرح میں بھی پاکستان جاؤں گا،
شکریہ عمران خان ، نوجوت سنگھ سندھو پاکستان آنے کو تیار
قبل ازیں بھارتی سیاسی و سماجی رہنما نوجوت سنگھ سدھو نے سینٹر فیصل جاوید سے ٹیلی فونک رابطہ کیا اور 9 نومبر کو کرتار پور میں دنیا کے سب سے بڑے گردوارے کی افتتاحی تقریب میں شرکت کا اعلان کیا۔ انہوں نے کہا دربار صاحب کے افتتاحی تقریب میں شرکت کیلئے نہایت بے قرار ہوں۔نوجوت سنگھ سدھو کا کہنا تھا دنیا بھر میں بسنے والے کروڑوں سکھ اپنی مقدس دھرتی کی زیارت کیلئے بیتاب ہیں، بابا گرونانک جی کے 550 ویں جنم دن کے موقع پر دربار صاحب کا افتتاح تاریخی موقع ہے، حکومت پاکستان خصوصاً وزیراعظم عمران خان کے شکرگزار ہیں۔
سینیٹر فیصل جاوید نے کہا نوجوت سنگھ سدھو سمیت پوری دنیا کے سکھوں کو دربار صاحب کے افتتاح کی مبارکباد دیتے ہیں، وزیراعظم 9 نومبر کو اس تاریخی افتتاحی تقریب میں بطور مہمان خاص شریک ہوں گے، نوجوت سنگھ سدھو سمیت دنیا بھر سے تشریف لانے والے سکھ بھائیوں کے خیر مقدم اور میزبانی کیلئے تیار ہیں
ترجمان دفتر خارجہ ڈاکٹر محمد فیصل نے ہفتہ وار بریفنگ میں کہا کہ نوجوت سنگھ سدھو کو ویزا جاری کر دیا گیا ہے، امید ہے وہ تشریف لائیں گے، کرتارپور راہداری سے خطے کی تاریخ بدلے گی،
واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔
وزیر اعظم عمران خان 9 نومبر کو کرتار پور راہداری منصوبے کا باقاعدہ افتتاح کرینگے جبکہ 12 نومبر کو بابا گرونانک کا 550 واں جنم دن منایا جائے گا،
کرتارپورراہداری کا ہر صورت افتتاح کیا جائے گا، وزیر مذہبی امور
کرتارپور راہداری کب کھولی جائے گی؟ گورنر پنجاب نے بتا دیا
