بین الاقوامیتازہ ترین

پاکستان اور بیلا روس کا مختلف شعبوں میں تعاون کو فروغ دینے پراتفاق

2 سال قبل
2 سال قبل

پاکستان اور بیلا روس نے مختلف شعبوں میں تعاون کو فروغ دینے پراتفاق کیا ہے-

باغی ٹی وی: دونوں ملکوں کےدرمیان سفارتی پاسپورٹس کےحامل افراد کو ویزا سے استثنیٰ کا معاہدہ طےپاگیادونوں ملکوں کے اسٹرٹیجک سٹڈیز انسٹی ٹیوٹ کے درمیان تعاون کے فروغ کا بھی معاہدہ ہوگیا۔


اس موقع پر وزیر خارجہ بلاول بھٹو کا کہنا تھا کہ پاکستان اور بیلا روس کے درمیان دوطرفہ تعلقات کو فروغ دیاجائے گا، ویزا سے استثنی کے معاہدہ سے دونوں ملک مستفید ہوں گے تمام شعبوں میں دو طرفہ تعاون کو فروغ دیا جائے گا، مستقبل میں پاکستان اور بیلا روس کے تعلقات مزید مضبوط ہوں گے۔


اس موقع پر بیلاروس کے وزیر خارجہ نے کہا کہ بہترین مہمان نوازی پر وزیرخارجہ کا شکر گزار ہوں،پاکستان کے ساتھ دو طرفہ تعلقات کو مزید مضبوط بنانا چاہتے ہیں دوطرفہ معاہدوں سے دونوں ممالک کوفائدہ ہوگا، مختلف شعبوں میں تعاون کو فروغ دینے کے وسیع مواقع موجود ہیں ایس سی او کی رکنیت کیلئے پاکستان کے تعاون پر شکر گزار ہیں۔


واضح رہے کہ جمہوریہ بیلاروس کے وزیر خارجہ سرگئی ایلینک پاکستان کے 2 روزہ سرکاری دورے پر اسلام آباد میں ہیں دفتر خارجہ کے مطابق انہیں اس دورے کی دعوت وزیر خارجہ بلاول بھٹو زرداری نے دی ہے۔

ٹیگز:
Shares:

مزید خبریں