ٹوکیو:پاسپورٹ کی دنیا،پاکستان کا بہتری کی طرف سفرجاریعالمی ادارے ہینلے کی جانب سے دنیا کے 107 ممالک کے پاسپورٹس کی رینکنگ جاری کردی گئی جس کے مطابق جاپان پہلے نمبر پر رہا جبکہ سنگاپور تنزلی کے بعد دوسرے نمبر پر چلا گیا۔
دنیا بھر کے پاسپورٹ پر نظر رکھنے والے بین الاقوامی ادارے ہینلے نے سال 2020 کے پاسپورٹس کے حوالے سے نئی رینکنگ جاری کردی۔ ہینلے کی رپورٹ کے مطابق جاپان کے شہری 191 جبکہ سنگاپور کے شہری 190 ممالک اور شہروں کا سفربنا کسی روک ٹوک سفر کرسکتے ہیں۔
رپورٹ کے مطابق جرمنی اور جنوبی کوریا تیسرے، فن لینڈ اور اٹلی چوتھے نمبر پر رہے،جن کے حامل شہری بالترتیب 189 اور 188 ممالک کا بغیر کسی پابندی کے سفر کرسکتے ہیں۔ ڈنمارک ، اٹلی اور لیوگژیم بورگ اور اسپین پانچویں، فرانس اور سوئیڈن چھٹی پوزیشن حاصل کرسکے، اسی طرح آسٹریا ، آئرلینڈ، نیدرلینڈ، پرتگال، سوئٹزر لینڈساتویں، بیلجیئم، یونان، ناروے، برطانیہ اور امریکا آٹھویں نمبر پر رہے۔
HENLEY PASSPORT INDEX 2020 Q1 INFOGRAPHIC GLOBAL RANKING_191219
دوسری ، تیسری، چوتھی، پانچویں ، چھٹی، ساتویں اور آٹھویں نمبر پر آنے والے پاسپورٹ کے حامل افراد بالترتیب 187، 186،185،184 ممالک کا سفر بنا کسی اجازت کرسکتے یا پھر وہاں پر ہی ویزہ کی سہولت حاصل کرسکتے ہیں۔
ہینلے انڈیکس کے مطابق آسٹریلیا، کینیڈا، مالٹا، نیوزی لینڈ کے پاسپورٹ نویں جبکہ ہنگری، لتھونیا، سلواکیا کے پاسپورٹ دسویں طاقت ورترین پاسپورٹ رہے، جن کے حامل شہری بالترتیب 183 اور 181 ممالک کا سفر کرسکتے ہیں۔
انڈیکس میں سب سے آخری 107ویں نمبر پر افغانستان کا پاسپورٹ رہا، اسی طرح عراق 106، شام 105ویں نمبر پر رہا۔ پاکستانی پاسپورٹ دو درجے ترقی کے بعد 104 ویں پوزیشن پر پہنچ گیا جس کے حامل افراد 32 ممالک کا ویزہ فری سفر کرسکتے ہیں۔
ہینلے کے چیئرمین کا کہنا تھا کہ طاقتور ترین پاسپورٹ کی درجہ بندیملک میں کی جانے والی سرمایہ کاری کو مدنظر رکھتے ہوئے کی گئی۔ اُن کا کہنا تھا کہ نئی ریکنگ میں آنے والے ممالک کے پاسپورٹ حامل افراد پالیسی کے تحت بغیر ویزہ سفر کرسکتے ہیں۔