پاکستان سٹاک مارکیٹ میں آج مثبت رحجان دیکھنے میں آیا، پاکستان سٹاک مارکیٹ 100 انڈکس میں آج مجموعی طور پر 11 پوائنٹس کا اضافہ ہوا۔

باغی ٹی وی : تفصیلات کے مطابق آج کاروبار شروع ہوا تو 100 انڈکس 47ہزار 123 پوائنٹس کی سطح پر تھا،ایک وقت میں 100 انڈکس 47ہزار 272 کی سطح پر پہنچ گیا تاہم اس کے بعد اس میں کمی دیکھنے میں آئی۔جب کارروباری دن کا اختتام ہوا تو 100 انڈکس 47ہزار135 کی سطح پر تھا۔

ملک میں سونے کی فی تولہ قیمت میں نمایاں کمی

دوسری جانب ملک بھر میں سونے کی فی تولہ قیمت میں آج بھی بڑی کمی واقع ہوئی ہے اور فی تولہ سونا 900 روپے سستا ہوگیا ہے ندھ صرافہ بازار جیولرز ایسوسی ایشن کے مطابق سونے کی قیمت 900 روپے کم ہوئی ہے جس کے بعد ملک میں سونے کی فی تولہ قیمت ایک لاکھ سات ہزار 600 روپے ہوگئی ہے-

جبکہ 10 گرام سونے کی قیمت 771 روپے کم ہوکر 92ہز ار250 روپے ہوگئی ہےعالمی صرافہ بازار میں سونے کی قیمت 17 ڈالر کم ہوکر 1730 ڈالر فی اونس ہوگئی ہے۔