پاکستان اسٹاک مارکیٹ میں کاروباری ہفتے کے دوسرے روز کا آغاز منفی رجحان سے ہوا ہے۔
منگل کے روز اسٹاک مارکیٹ میں کاروبار کا آغاز 40 ہزار 317 پر ہوا اور ابتدائی ایک گھنٹے کے دوران 100 انڈیکس میں 78 پوائنٹس کی کمی دیکھی گئی ہے۔
پاکستان اسٹاک مارکیٹ گزشتہ روز منفی رجحان کے بعد 289 پوائنٹس کی کمی پر بند ہوئی۔
کاروباری ہفتے کے پہلے روز پیر کو اسٹاک مارکیٹ میں ملا جلا رجحان رہا۔ کاروبار کا آغاز 40 ہزار 732 پوائنٹس پر ہوا اور ابتدا میں کاروبار مثبت زون میں ٹریڈ کرتا نظر آیا۔ ابتدائی ایک گھنٹے کے دوران کے ایس ای 100 انڈیکس 183 پوائنٹس کے اضافے کے ساتھ 40 ہزار 915 پوائنٹس پر ٹریڈ کرتی نظر آئی۔
اسٹاک مارکیٹ میں سہہ پہر ایک بجے تک ملا جلا رجحان رہا تاہم ایک بجے کے بعد مارکیٹ مستقل منفی زون میں چلی گئی اور کاروبار کے دوران 415 پوائنٹس تک کی کمی بھی دیکھی گئی اور انڈیکس 40 ہزار 317 پوائنٹس پر بھی ٹریڈ کرتا دیکھا گیا۔