پاکستان سٹاک مارکیٹ ایک مرتبہ پھر مندی میں چلے گئی

باغی ٹی وی : پانچ فروری کی تعطیل کے بعد پاکستان سٹاک مارکیٹ ایک مرتبہ پھر مندی میں چلے گئی، حصص مارکیٹ کا 100 انڈیکس 159.84 پوائنٹس گر گیا۔

تفصیلات کے مطابق رواں ہفتے پاکستان سٹاک مارکیٹ میں غیر یقینی کی صورتحال چھٹنے کا نام نہیں لے رہی، پہلے کاروباری روز کے دوران مارکیٹ میں 1221.55 پوائنٹس کی مندی دیکھی گئی تھی جس کے باعث انویسٹرز کے 203 ارب روپے ڈوب گئے تھے۔ بڑی مندی میں جانے والی سٹاک مارکیٹ میں دوسرے کاروباری روز کے دوران 474.87 پوائنٹس بڑھا تھا جبکہ حصص کی مالیت میں 70 ارب روپے کا اضافہ دیکھا گیا تھا۔ گزشتہ روز پورے ملک میں تعطیل کے باعث سٹاک مارکیٹ بند رہی۔