پاکستان سٹاک مارکیٹ میں کیسا رہا رجحان

پاکستان سٹاک مارکیٹ میں کیسا رہا رجحان

باغی ٹی وی : پاکستان سٹاک مارکیٹ میں رواں ہفتے کے پہلے کاروباری روز کے دوران 567.23 پوائنٹس کی زبردست تیزی کے باعث ایک مرتبہ پھر 46 ہزار کی نفسیاتی حد بحال ہو گئی۔

ملکی معیشت کے حوالے سے مثبت اعشاریوں کے اثرات پاکستان سٹاک مارکیٹ پر پڑنے لگے، رواں ہفتے کے پہلے کاروباری روزکے دوران کاروبار کا آغاز زبردست تیزی کے ساتھ ہوا، صبح دس بجے تک انڈیکس میں 363.04 پوائنٹس کی ریکاڈ تیزی دیکھی گئی جس کے باعث انڈیکس 46 ہزار کی نفسیاتی حد بحال ہونے کے بعد 46171.4 پوائنٹس کی سطح پر پہنچ گیا تھا۔

کاروبار میں زبردست تیزی کا تسلسل دوپہر بارہ بجے تک دیکھنے کو ملا، ایک موقع پر انڈیکس 46507.42 پوائنٹس کی بلندترین سطح کو چھو گیا تھا تاہم کاروبار کے اختتام پر یہ سطح برقرار نہ رہ سکی۔

رواں ہفتے کے پہلے کاروباری روز کے دوران 100 انڈیکس 567.23 پوائنٹس بڑھ گیا، 46 ہزار کی نفسیاتی حد بحال ہونے کے بعد انڈیکس 46375.59 پوائنٹس کی سطح پر پہنچ کر بند ہوا تھا۔

تیزی کے باعث پاکستان سٹاک مارکیٹ میں رواں ہفتے کے پہلے کاروباری روز کے دوران 1.24 فیصد کی بہتری دیکھی گئی اور 24 کروڑ 90 لاکھ 81 ہزار 852 شیئرز کا لین دین ہوا جس کے باعث سرمایہ کاروں کو 90 ارب روپے سے زائد کا فائدہ ہوا۔