![](https://baaghitv.com/wp-content/uploads/2021/02/download-44.png)
راولپنڈی : پاکستان کابیلسٹک میزائل غزنوی کاکامیاب تجربہ ،اطلاعات کے مطابق افواج پاکستان نے غزنوی بیلسٹک میزائل کا کامیاب تجربہ کرکے بھارت کوسخت پیغام بھیج دیا ہے
پاکستان نے ہر قسم کا وار ہیڈ ساتھ لے جانے کی صلاحیت رکھنے والے غزنوی بیلسٹک میزائل کا کامیاب تجربہ کیا ہے۔
پاک فوج کے شعبہ تعلقات عامہ (آئی ایس پی آر) کی کی جانب سے جاری بیان کے مطابق بیلسٹک میزائل 290 کلومیٹر تک ہر قسم کے وارہیڈ ساتھ لے جانے کی صلاحیت رکھتا ہے۔
پاکستان کابیلسٹک میزائل غزنوی کاکامیاب تجربہ
بھارت میں کہرام مچ گیا pic.twitter.com/CPPhhpTboD
— Baaghi TV باغی ٹی وی (@BaaghiTV) February 3, 2021
آئی ایس پی آر کے مطابق غزنوی میزائل زمین سے زمین تک ہدف کو نشانہ بنا سکتا ہے، تجربے کا مقصد دن اور رات کے وقت آپریشنل تیاریوں کو جانچنا تھا۔
پاک فوج کے شعبہ تعلقات عامہ کے مطابق تجربے کے وقت ڈی جی اسٹریٹچک لیفٹیننٹ جنرل ندیم ذکی منج بھی موجود تھے۔ اس کے علاوہ کمانڈر آرمی اسٹریٹجک فورسز، چیئرمین نیسکام اور دیگر سینیئر افسران نے بھی میزائل فائرنگ کا مشاہدہ کیا۔
صدر، وزیراعظم، چیئرمین جوائنٹ چیفس آف اسٹاف اور تینوں مسلح افواج کے سربراہان نے کامیاب میزائل تجربے پر پاک فوج اور انجینئرز کو مبارکباد پیش کی۔