اسلام آباد:پاکستان چاہتا ہے کہ برادراسلامی ملک ساتھ دیں اوردنیا کو واضح پیغام دیں:وزیراعظم عمران خان نے کہا ہے کہ افغان امن عمل خطے کو پائیدار ترقی کی طرف لے جانے میں معاوَن ہوگا
اطلاعات کے مطابق وزیراعظم نے کہا کہ امیر ملکوں نے کورونا وبا سے بچاوَ کیلئے وسائل کااستعمال کیا،پاکستان میں کورونا ویکسین کی فراہمی شروع کردی گئی ہے،
وزیراعظم عمران خان نے کہا کہ پائیدار ترقی کے حصول کے لیے علاقائی تعاون ناگزیر ہے، وزیراعظم نے مزید کہا کہ دہشتگردی کو اسلام سے جوڑنا مسلمانوں کے ساتھ بڑی زیادتی ہے،افغانستان میں قیام امن خطے کیلئے نہایت اہم ہے،
وزیراعظم عمران خان نے اس موقع پر کہا کہ اسلامو فوبیا کے تدارک کیلئے پاکستان اور ترکی مل کر کاوشیں کررہے ہیں،ان کا کہنا تھا کہ کورونا وبا سے بچاوَ کیلئے عالمی سطح پر ویکسین کی مساویانہ فراہمی ضروری ہے،
انہوں نے مزید کہا کہ دنیا بھر میں کورونا کی وجہ سے معیشت کو نقصان پہنچا، وزیراعظم عمران خان نے کہا کہ معاشی مشکلات کے باوجود ہماری حکومت نے غیر معمولی اقدامات کیے، وزیراعظم نے اس موقع پرکہا کہ کورونا بحران پر قابوپانے کیلئے 5نکاتی پروگرام دیا تھا،
وزیراعظم عمران خان نے کہا کہ احساس پروگرام کے تحت عوام کو نقد رقوم فراہم کی گئیں، وزیراعظم نے کہاکہ زندگیاں بچانے کے ساتھ معیشت کی بحالی بھی ضروری ہے، انہوں نے کہاکہ کورونا وبا کی وجہ سے معاشی وسماجی مضمرات کا مکمل تخمینہ لگانا ابھی باقی ہے،
وزیراعظم نے کہا کہ اس اجلاس کا مقصد علاقائی اقتصادی ترقی کے حوالے سے لائحہ عمل پر غور ہے، وزیراعظم نے کہا کہ وہ اس موقع پر ترکمانستان کو آئندہ اجلاس کی صدارت پر مبارک باد پیش کرتے ہیں،
وزیراعظم نے کہا ہے کہ سربراہ اجلاس کا افتتاح میرے لیے باعث فخر ہے،
