ریاض:سعودی عرب کے پہاڑوں میں غیرقانونی طورپرمقیم 80 پاکستانی گرفتار،سعودی حکام دیکھ کرحیران وپشیمان،سعودی عرب سے ذرائع کے مطابق مکہ المکرمہ کی پولیس نے 80 پاکستانیوں کو گرفتار کرلیا، غیرقانونی طور پر مقیم پاکستانی شہری پہاڑوں میں چھپے ہوئے تھے۔
سعودی پولیس کا کہنا ہے کہ ان افراد نے پہاڑوں میں جھگیاں بنا رکھی تھیں اور وہ قانون کی نظر سے چھپ کر رہائش اختیار کیے ہوئے تھے، پاکستانیوں میں بیشتر کعبہ کی سبزی منڈی میں چھوٹے موٹے کام کرکے گزر بسر کرتے تھے۔پولیس کا کہنا ہے کہ بلندی پر رہنے کی وجہ سے انہیں گرفتار کرنے کی ہر کوشش ناکام ہوتی رہی، وہ دور سے ہی پولیس کی گاڑیاں دیکھ کر فرار ہوجاتے تھے۔
پولیس کا کہنا ہے کہ پہاڑوں پر چھپنے والے غیرقانونی تارکین وطن کو گرفتار کرنا ہمیشہ مسئلہ رہا ہے، بلندی پر ہونے کی وجہ سے وہ اکثر اوقات پولیس پر پتھراؤ بھی کرتے تھے۔پولیس نے بتایا کہ غیرقانونی تارکین کی موجودگی علاقہ مکینوں کے لیے بھی مسئلہ بنی ہوئی تھی، انہیں گرفتار کرنے کے لیے منظم منصوبہ بندی اور حکمت عملی بنائی گئی تھی۔
