مسلمانوں کی اسلامی فتوحات پر مبنی شہرہ آفاق تُرک سیریز ’ارطغرل غازی‘میں گوکچہ خاتون کا کردار ادا کرنے والی تُرک اداکارہ برکو کیراٹیلی پاکستانی میک اپ برانڈ ’دی کارا میک اپ‘ کی دیوانی ہوگئیں۔
باغی ٹی وی : تُرک اداکارہ نے اپنی انسٹاگرام اسٹوری میں پاکستانی میک اپ برانڈ کی تعریف کرتے ہوئے کہا کہ پاکستانی میک اپ اور جیولری بہت بھاری ہے۔
انہوں نے بتایا کہ پہلی مرتبہ کسی پاکستانی برانڈ کے ساتھ کام کیا ہے اور انہیں اس اشتراک سے خوشی محسوس ہوئی۔
ترک اداکارہ نے کہا کہ انہوں نے پہلی مرتبہ پاکستانی دلہن کا روپ اختیار کیا جو ایک مختلف تجربہ تھا۔
https://www.instagram.com/p/CFhLlZ8BKll/?utm_source=ig_embed
خیال رہے کہ گزشتہ دنوں تُرک اداکارہ نے ایک پاکستانی ڈیزائنر کے لیے برائیڈل شوٹ کروایا جسے پاکستان میں موجود مداحوں نے خوب پسند کیا تُرک اداکارہ برکو کیراٹیلی کے نئے پاکستانی برائیڈل شوٹ کی تصاویر سوشل میڈیا پر وائرل ہوگئی تھیں-
https://www.instagram.com/p/CFhnv9nhHsG/?utm_source=ig_embed
واضح رہے کہ رواں سال 23 جولائی کو31 برس کی ہونے والی برکو کیراٹیلی نے ترک سریز ’ارطغرل غازی‘ میں گوکچہ خاتون کا کردار نبھایا تھا جس میں اُنہیں معصوم چہرے، سلجھی ہوئی طبیعت اور صاف دل رکھنے والی شخصیت دکھایا گیا تھا لیکن ارطغرل اور حلیمہ سلطان کی شادی کے بعد گوکچہ خاتون کو ڈرامے میں حسد کرنے والی خاتون کے روپ میں بھی دکھایا گیا تھا۔
گوکچہ خاتون کے حسد کی وجہ یہ تھی کہ وہ ترک سیریز کے مرکزی کرادار ارطغرل سے بےحد محبت کرتی تھیں۔
