بین الاقوامیپاکستان

نوجوان پاکستانی کارپینٹر سعودی عرب میں ماڈل بن گیا

5 سال قبل
5 سال قبل

24 سالہ پاکستانی کارپینٹر وقاص احمد سعودی عرب جا کر ماڈل بن گیا۔

باغی ٹی وی :گلف نیوز کی رپورٹ کے مطابق محمد وقاص ، ایک پاکستانی رہائشی ، چار سال قبل روزگار کے سلسلے کے لئے سعودی عورب آیا تھا ۔ وہ ہمیشہ ایک ماڈل بننا چاہتا تھا ، لیکن اسے کامیابی کی زیادہ امید نہیں تھی۔ تاہم ، اس کے دوست کی ایک سوشل میڈیا پوسٹ نے اس کی زندگی بدل دی۔

گزشتہ چار برس سے سعودی عرب میں رہائش پزیر وقاص کا کہنا ہے کہ سوشل میڈیا پر ان کے دوست کی جانب سے پوسٹ کی گئی تصویر نے ان کا کیرئیر بدل کر رکھ دیا۔اور ان کے وہم و گمان میں نہ تھا کہ اس کی اپنے دوست سے کہی ہوئی بات اسے بڑھئی کے کام سے نکال کر کپڑوں کی ماڈلنگ کی چکاچوند روشنیوں والی دُنیا میں لے جائے گی-


میڈیا سے گفتگو کرتے ہوئے محمد وقاص نے کہا کہ میں چار سال پہلے کارپینٹر کی حیثیت سے کام کرنے پاکستان سے یہاں (سعودی عرب) آیا تھا۔

انہوں نے بتایا کہ ایک روز اپنے دوست فیصل کو میں نے تصویریں ایڈٹ کرتے دیکھا تو اُس سے کہا کہ بچپن سے ہی مجھے ماڈلنگ کا شوق ہے لیکن پاکستان میں ، مجھے موقع نہیں ملا-

وقاص کے مطابق اُن کے دوست نے اس بات کو سنجیدگی سے لیا اور تصویریں کھینچ کر ماڈلنگ کی متعلقہ شخصیات کو بھجوائیں ساتھ ہی ایک صارف نے ٹوئٹر پر وقاص کی تصویر بھی ایک پیغام کے ساتھ شیئر کی جسے دیکھتے ہی دیکھتے بہترین ردعمل ملا۔
https://twitter.com/tamimi1_1/status/1278368438747095041?s=20
عبدالعزیز نامی صارف نے وقاص کی تصویریں اس پیغام کی ساتھ شیئر کیں کہ جو برانڈ اس خوبرو اور خوبصورت نوجوان کو اپنے برانڈ میں کام دینا چاہتے ہیں مجھ سے رابطہ کریں۔


اس ٹوئٹ کے وائرل ہوتے ہی مختلف بڑی کمپنیوں نے وقاص کو اپنے برانڈ میں بطور ماڈل کام کرنے کی پیشکش کردی جبکہ سعودی عرب میں مقیم بنیان بنانے والی کمپنی کے لئے ماڈلنگ بھی کی-

وقاص کا کہنا تھا کہ میرے وہم و گمان میں بھی نہ تھا کہ چلتے پھرتے ایک دوست سے کہی ہوئی بات سے مجھے میرے خواب کی تعبیر مل جائے گی اور اس طرح میں اشتہارات کے لئے ماڈلنگ کروں گا-

سماجی رابطوں کی ویب سائٹس پر وائرل ہونے والی تصویرو نے وقاص کو نہ صرف شہرت دلادی بلکہ اُن کا کیرئیر بھی بدل کر رکھ دیا۔ 24 سالہ ماڈل اپنے سوشل میڈیا اکاؤنٹس کو اپ ڈیٹ کررہے ہیں ، اور اپنے ہر فوٹو شوٹ کو سوشل میڈیا پر شئیر کرتے ہیں-


وقاص کو ٹوئٹر اور انسٹاگرام پر ہزاروں صارفن نےفالو کیا ہے جو ان کی تصویروں کو دیکھتے اور پسند کرتے ہیں۔

ڈرامہ سیریل دھوپ کنارے کے بعد آہٹ اور تنہائیاں بھی سعودی عرب میں نشر کئے جائیں گے

ٹیگز:
زمرہ جات:
بین الاقوامیپاکستانشوبز
Shares:

مزید خبریں