باغی ٹی وی کی رپورٹ کے مطابق یونان کشتی حادثہ کے بعد پاکستان میں سمگلروں کے خلاف کاروائیاں جاری ہیں ،ایف آئی اے متحرک ہو چکی ہے، کے پی زون نے بڑی کارروائی کرتے ہوئے لیبیا کشتی حادثہ میں ملوث اہم ملزم گرفتارکر لیا،انسانی سمگلر دران خان کو پشاور کے علاقے حیات آباد سے گرفتار کیا گیا۔ملزم بھاری رقوم کے عوض پاکستانیوں کو غیر قانونی طریقوں سے بارڈر پار کرواتا تھا
دوسری جانب ایف آئی اے نے جو انسانی سمگلر گرفتار کئے ان سے دوران تحقیقات اہم انکشافات سامنے آ رہے ہیں، ایف آئی اے نے پنڈی کے علاقے کلر سیداں سے دو سمگلر گرفتار کئے جنہوں نے دوران تحقیقات بتایا کہ شہری عمران اعظم کو بیرون ملک بھجوانے کا جھانسہ دے کراس سے 14 لاکھ روپے لئے، عمران اعظم کو غیر قانونی طور پر لیبیا بھجوایا تھا بعد ازاں لیبیا میں گرفتاری کا بہانہ بنا کر خاندان سے 10 لاکھ روپے مزید حاصل کر لئے تھے، 10 لاکھ وصول کرنے کے کچھ دن بعد عمران اعظم کی لاش پاکستان آئی تھی
قانون میں جو سقم ہے وہ بھی دور کیے جائیں گے،وزیر داخلہ
دوسری جانب وزیر داخلہ رانا ثناءاللّٰہ نے قومی اسمبلی اجلاس میں اظہارِ خیال کرتے ہوئے یونان میں کشتی ڈوبنے کے اندوہناک واقعہ سے متعلق آگاہ کیا، وزیر داخلہ رانا ثناءاللّٰہ کا کہنا تھا کہ کشتی کی کیپسٹی 400 افراد کے قریب تھی مگر اس میں سات سو افراد سوار تھے،کشتی میں سوار پاکستانیوں کی تعداد 350 تھی ،104 لوگ زندہ بچے ہیں جن میں پاکستانی کی تعداد صرف 12 ہے، پاکستان میں 281 فیملیز نے بتایا ہے کہ ان کے بچے اس حادثے کا شکار ہو سکتے ہیں،فیملی سے رابطے سے متعلق ڈیسک قائم کر دیئے گئے ہیں،نمونے لیے جا رہے ہیں تاکہ شناخت ہو سکے،193 ڈی این اے سیمپلز حاصل کر لیے ہیں،وزیراعظم میاں محمد شہباز شریف نے ایک کمیٹی قائم کی ہے جس کا اج بھی اجلاس ہوا ہے،99 فیصد لوگ پاکستان سے لیگل ویزاز پر گئے ہیں،آگے سے جا کر وہ غیر قانونی روٹ اختیار کرتے ہیں،صرف انسانی سمگلنگ میں ملوث افراد کے خلاف ایکشن نہیں ہوگا بلکہ قانون میں جو سقم ہے وہ بھی دور کیے جائیں گے،
کشتی حادثہ پر مریم نواز کا ردعمل
کشتی ڈوبنے کے حادثے پرنسل پرستانہ تبصرہ،یونانی رکن پارلیمنٹ کی پارٹی رکنیت معطل
انسانی اسمگلنگ میں ملوث گینگ کے خلاف کریک ڈاؤن
لیبیا کشتی حادثہ میں ملوث انسانی سمگلر کو گرفتار
حادثے کے مرکزی ملزم ممتاز آرائیں کو وہاڑی سے گرفتار کیا گیا
انٹر ایجنسی ٹاسک فورس کا ساتوں اجلاس ایف آئی اے ہیڈ کواٹر میں منعقد ہوا
شہری ڈوب چکے، کئی کی لاشیں ملیں تو کئی ابھی تک لاپتہ ہیں،
کشتی واقعے کے ذمہ داران کو جلد کیفرِ کردار تک پہنچانے کی ہدایت
یونان کشتی حادثے میں بچ جانے والے افراد سے پوچھ گچھ کی جارہی ہے ،
