گزشتہ سال پاکستانی ویب سیریز ‘چڑیلز’ نے برٹش ایشین میڈیا ایوارڈ (بی ایم اے) اپنے نام کر لیا۔
باغی ٹی وی : بھارتی اسٹریمنگ ویب سائٹ زی فائیو پر گزشتہ سال ریلیز کی جانے والی پاکستانی ویب سیریز ‘چڑیلز’ کو برٹش ایشین میڈیا ایوارڈ (بی ایم اے) میں ‘او ٹی ٹی پلیٹ فارم شو آف دی ائیر’ کے ایوارڈ سے نوازا گیا۔
خیال رہے کہ پاکستانی ویب سیریز ‘چڑیلز’ کی ہدایت کاری عاصم عباس نے دی ہے جس کی کہانی 4 خواتین کے گرد گھومتی ہے جو کہ دھوکا دہی میں ملوث شوہروں کو بے نقاب کرنے کے لیے ایک خفیہ ایجنسی کھولتی ہیں۔
گزشتہ دنوں پاکستان کی پہلی ویب سیریز ‘چڑیلز’ پراس میں موجود کچھ بولڈ سینز کی وجہ سے پابندی بھی عائد کی گئی تھی جس کے بعد سوشل میڈیا صارفین کی جانب سے تنقید کے کچھ دنوں بعد اس پابندی کو اٹھا لیا گیا تھا۔
Leave a reply
