پاکستانیوں پر ویزہ پابندی کب تک ہے،متحدہ عرب امارات کے سفیر نے بتا دیا

وزیر داخلہ شیخ رشید احمد سے پاکستان میں متحدہ عرب امارات کے سفیر عزت مآب جناب حماد عبید ابراہیم الزابی سے ملاقات ہوئی ، پاکستان – یو اے ای تعلقات، یو اے ای میں پاکستانی کمیونٹی اور پاکستانی شہریوں پر حالیہ ویزہ پابندی سےمتعلق بات چیت کی گئی ،عرب امارات میں پاکستانی قیدیوں کی جلد سے جلد بازیابی کے لئے تعاون بڑھانے پر زور دیا گیا

ملاقات میں شیخ رشید احمد نے کہا کہ پاکستان اورعرب امارات کے درمیان دیرینہ تعلقات ہے۔ پاکستانی شہریوں پر ویزہ پابندی کا جلد از جلد خاتمہ ہونا چاہئے۔۔یو اے ای سفیر نے کہا کہ پاکستانی شہریوں پر یو اے ای ویزہ پابندی عارضی ہے ویزہ بحالی سے متعلق بات چیت جاری ہے۔ امید ہے ویزہ بحالی جلدممکن ہوجائے گی۔ یو اے ای سفیر نے وزیر داخلہ کو یقین دہانی کرا دی ،وزیر داخلہ شیخ رشید احمد نے کہا کہ عرب امارات میں پندرہ لاکھ پاکستانی ورکرز قیمتی اثاثہ ہیں۔سالانہ تقریباً 5 ارب ڈالر زرمبادلہ پاکستان بھیجتے ہیں۔ان کی دیکھ بھال ہماری مشترکہ ذمہ داری ہے۔عرب امارات میں قید پاکستانیوں کو جلد لانے کے اقدامات پر یو اے ای حکومت کا تعاون درکار ہوگا۔

یو اے ای سفیر نے جواب میں کہا کہ عرب امارات کی ترقی میں پاکستانی کمیونٹی کا کردار مثالی ہے۔ان کی دیکھ بھال ہماری ترجیحات میں شامل ہے۔
وزیراعظم عمران خان کے دور حکومت میں پاکستان اور عرب امارات کے درمیان تعلقات میں بہتری آئی ہے۔

جبکہ شیخ رشید احمد کا کہنا تھا کہ پاکستان اور عرب امارات کے درمیان تعلقات باہمی بھائی چارےاورمحبت پر مبنی ہیںباہمی تعلقات کے مزید فروغ کےلئے کوششیں جاری رکھیں گے۔عرب امارات کے سفیر نے شیخ رشید احمد کو وزارت داخلہ کا چارج سنبھالنے پر مبارکباد دی۔ ان کی کامیابی کے لئے نیک خواہشات کا اظہار کیا۔ملاقات میں سیکرٹری داخلہ یوسف نسیم کھوکھر بھی موجود تھے۔