ٔپاکستان کی معیشت بہتر جبکہ بھارت کی معیشت ڈوبنے لگی:عالمی ادارے حیران

نئی دہلی : ٔپاکستان کی معیشت بہتر جبکہ بھارت کی معیشت ڈوبنے لگی:عالمی ادارے حیران ،اطلاعات کے مطابق بھارت کی معیشت کورونا وائرس کے پھیلاؤ کے دوران تعطل کا شکار معاشی سرگرمیوں کی وجہ سے اپریل تا جُون کی سہ ماہی میں ملک کی ریکارڈ سب سے بڑی کمی کے ساتھ سُکڑ گئی ہے۔

حکومت کی جانب سے پیر کے روز جاری کردہ اعداد و شمار سے پتہ چلتا ہے کہ معیشت گزشتہ سال کے اِسی دورانیے کے مقابلے میں 23.9 فیصد سُکڑ گئی۔ بھارت کی جانب سے 1996ء میں سہ ماہی اعداد و شمار جاری کیے جانے کے آغاز کے بعد سے یہ تیزترین تخفیف ہے۔

حکومت کی جانب سے مارچ میں دنیا کے سخت ترین کورونا وائرس لاک ڈاؤن میں سے ایک نافذ کیے جانے کے بعد سے بھارت کی معیشت مشکلات سے نبردآزما ہے۔

حکومت لاک ڈاؤن اقدامات کو جُون سے مرحلہ وار نرم کر رہی ہے۔ لیکن ملک میں ابھی تک یومیہ لگ بھگ 80 ہزار نئے متاثرین کی تصدیق ہو رہی ہے۔ اس بات کا قوی امکان ہے کہ رواں مالی سال میں بھارت کی معیشت سُکڑے گی۔

دوسری طرف عالمے ادارے جن میں‌موڈیز،ورلڈ بینک،آئی ایم ایف،بلوم برگ اورایسے ہی دیگرعالمی ادارے اس بات پرحیران ہیں کہ پاکستان اس مشکل وقت میں اپنی معیشت کوبچانے میں نہ صرف کامیاب ہوا ہے بلکہ اس وقت پاکستان کی معاشی صورتحال پہلےسے بہت بہترہے