پاکستان میں کرونا کی سپیڈ جاری، ایک روز میں 1743 نئے مریض، اموات میں بھی اضافہ
باغی ٹی وی کی رپورٹ کے مطابق پاکستان میں کرونا کی سپیڈ جاری ہے، کرونا کے مریضوں اور اموات میں اضافہ ہوا ہے، پاکستان میں کرونا مریضوں کی مجموعی تعداد 52 ہزار سے زیادہ ہو گئی ہے
گزشتہ 24 گھنٹوں میں 1743 نئے مریض سامنے آئے جس کے بعد مریضوں کی مجموعی تعداد 52 ہزار 437 ہو گئی ہے جبکہ ایک دن میں 34 افراد جاں بحق ہوگئے جس کے بعد اموات کی تعداد ایک ہزار 101 ہوگئی۔
کرونا وائرس کے پنجاب میں 18 ہزار 730، سندھ میں 20 ہزار 883، خیبر پختونخوا میں 7 ہزار 391، بلوچستان میں 3 ہزار 198، گلگت بلتستان میں 607، اسلام آباد میں ایک ہزار 457 جبکہ آزاد کشمیر،میں 171 مریض ہیں
پاکستان میں اب تک 4 لاکھ 60 ہزار 692 افراد کے ٹیسٹ کئے گئے، گذشتہ 24 گھنٹوں کے دوران 14 ہزار 705 نئے ٹیسٹ کئے گئے، اب تک 16 ہزار 653 مریض صحتیاب ہوچکے ہیں
پاکستان میں کورونا سے ایک دن میں 34 افراد جاں بحق ہوگئے جس کے بعد وائرس سے مرنے والوں کی تعداد ایک ہزار 101 ہوگئی۔ سندھ میں 340، پنجاب میں 324، خیبر پختونخوا میں 381، گلگت بلتستان میں 4، بلوچستان میں 39 اور اسلام آباد میں 12 مریض جان کی بازی ہار گئے. اب تک 462 ہسپتالوں میں قائم قرنطینہ مراکز مریضوں کا علاج جاری ہے، ان ہسپتالوں میں 7295 بیڈز کا بندوبست کیا گیا ہے.
