معروف اداکارہ و تمغہ امتیاز مہوش حیات کا کہنا ہے کہ عید کی خوشیوں میں مظلوم فلسطین، مقبوضہ کشمیر اور یمن کے لوگوں کو بھی لازمی یاد رکھیں۔
باغی ٹی وی : دو روز قبل دُنیا کے کئی ممالک کی طرح پاکستان میں بھی عیدالفطر منائی گئی، اس موقع پر جہاں دیگر لوگوں نے سوشل میڈیا پر اپنی خوبصورت تصویریں شیئر کیں تو وہیں شوبز ستارے بھی کسی سے پیچھے نہ رہے۔
Eid Mubarak everyone ! 💕 As we celebrate this festival with our families at home let’s also please keep those in Palestine, Kashmir and Yemen in our prayers .. 🙏
Ps The last two photos are of me waiting for my Eidi 🐒🙈 lol pic.twitter.com/N1tp8NJzHe— Mehwish Hayat TI (@MehwishHayat) May 14, 2021
اداکارہ مہوش حیات چند گھنٹے قبل ہی اپنے تصدیق شدہ ٹوئٹر اکاؤنٹ پر عیدالفطر کی اپنی دلکش تصویریں شیئر کی ہیں مہوش حیات نے عید کے موقع پر سفید رنگ کے لباس کا انتخاب کیا جس کے ساتھ اُنہوں نے خوبصورت دوپٹہ پہنا۔
اداکارہ نے تصویریں شیئر کرتے ہوئے اپنے تمام مداحوں اور دوستوں کو عیدالفطر کی مبارکباد دی۔
اُنہوں نے سوشل میڈیا صارفین اور دیگر عوام سے اپیل کرتے ہوئے کہا کہ جب ہم یہ تہوار گھر والوں کے ساتھ گھروں میں مناتے ہیں تو براہِ کرم! فلسطین، مقبوضہ کشمیر اور یمن میں رہنے والے مظلوم بہن بھائیوں کو بھی اپنی دعاؤں میں لازمی رکھیں۔
مہوش حیات نے مزید کہا کہ اُن کے ٹوئٹ کے آخر کی دو تصاویر میں وہ اپنی عیدی کا انتظار کررہی ہیں۔
واضح رہے کہ پاکستان میں 13 مئی کو عیدالفطر منائی گئی تھی جبکہ بھارت سمیت دیگر ایشیائی ممالک میں گزشتہ روز عیدالفطر منائی گئی تھی۔
