پیراگوئے دہشت گردی کے الزامات، حماس نے بڑا اعلان کر دیا

فلسطینی تنظیم حماس نے لاطینی امریکا کے ملک پیراگوائے کے جماعت کو دہشت گرد قراردینے کے فیصلے کو بنیاد، من گھڑت اور ظالمانہ قراردیتے ہوئے اسے مسترد کردیا ہے۔

مرکز اطلاعات فلسطین کے مطابق حماس کی طرف سے جاری ایک بیان میں کہا گیا ہے کہ پیراگوائے کا دہشت گرد قرار دینے کا اقدام اسرائیلی مظالم کی طرف داری کے مترادف ہے اور حماس اسے کسی صورت میں قبول نہیں کرے گی۔

بیان میں مزید کہا گیا ہے کہ حماس کو ‘داعش’ اور’ القاعدہ‘ جیسے دہشت گرد گروپوں میں شامل کرنا قطعا نامناسب ہے۔ حماس فلسطینی قوم کے آئینی حقوق کے لیے جدو جہد کررہی ہے۔ حماس معصوم لوگوں کے قتل عام میں ملوث نہیں۔ پیراگوائے کا یہ اعلان اسرائیل اور امریکا کو خوش کرنے کی کوشش ہے۔بیان میں پیراگوائے پر زور دیا ہے کہ وہ حماس کو دہشت گرد قراردینے کا فیصلہ واپس لے۔

خیال رہے کہ گذشتہ ہفتے پیراگوائے نے القاعدہ، حزب اللہ، داعش اور حماس کو دہشت گرد تنظیموں کی فہرست میں شامل کرنئے کا فیصلہ کیا تھا۔