پیرس، ہسپتال میں آگ لگ گئی

پیرس کے مضافات میں واقع ایک اسپتال کمپلیکس میں آگ لگنے سے کم از کم ایک عورت ہلاک اور آٹھ زخمی ہوگئے ۔

حکام کے مطابق ہنری مونڈر ہسپتال میں بدھ کی رات دیر گئے آگ لگی جس پر جمعرات کی صبح قابو کرلیا گیا۔ابھی تک آگ لگنے کی وجوہ کا پتہ نہیں چل سکا ہے۔

پیرس کے سرکاری اسپتالوں کے سربراہ مارٹن ہرش نے ٹویٹر پر کہاکہ ہمیں یہ کہتے ہوئے افسوس ہے کہ ایک ہی موت واقع ہوئی ہے۔

عینی شاہدین نے آگ کے پھیلتے ہی ”دھماکے“ کی آواز سنی اور خدشہ ظاہر کیا کہ رہائشی اندر پھنسے ہیں۔ آگ نے کئی منزلوں کو اپنی لپیٹ میں لے لیا۔ زخمیوں میں 4فائر فائٹرز بھی شامل ہیں۔