پارکنگ سٹینڈ وبال جان،نوٹس کی اپیل

قصور
نیشنل بینک نیا بازار قصور کے قریب بنا پارکنگ سٹینڈ لوگوں سے ناجائز چارجنگ وصول کرنے لگا،کسٹمرز سے بدتمیزی کرنا معمول،ٹائروں کی ہوا نکال دی جاتی ہے

تفصیلات کے مطابق نیشنل بینک نیا بازار قصور کے نزدیک قائم نجی پارکنگ سٹینڈ لوگوں کے لئے وبال جان بن گیا ہے
لوگوں سے من مانی کے پیسے لئے جاتے ہیں اور جواب طلبی پہ بدتمیزی کرنے کے ساتھ ٹائروں سے ہوا بھی نکال دی جاتی ہے موٹر سائیکل پارک کرنے والوں سے 30 روپیہ فی پھیرا جبکہ کار پارکنگ والوں سے 100 روپیہ فی پھیرا وصول کیا جاتا ہے اور کوئی کہے کہ میں ضروری کام جانے لگا ہوں اور واپسی ابھی آکر یہیں پارکنگ کرنی ہے تب بھی فی پھیرا کے حساب سے ہر بار پیسے لئے جاتے ہیں جو کہ سراسر زیادتی ہے
نیز اگر کوئی سوال جواب کرے تو اس کے ساتھ بدتمیزی کی جاتی ہے اور ٹائروں سے ہوا نکال دی جاتی ہے
شہریوں نے ڈپٹی کمشنر قصور سے از خود نوٹس لے کر کاروائی کا مطالبہ کیا ہے