قومی احتساب بیورو نے پار ک لین پیراتھن کیس میں پیپلز پارٹی کے چیئرمین بلاول بھٹو زرداری کو بری کردیا ہے.
باغی ٹی وی کی رپورٹ کے مطابق پارک لین پیراتھن کیس جعلی اکاونٹ کیس کے حوالہ سے اہم ترین کیس تھا جس میں پیپلز پارٹی کے چیئرمین بلاول بھٹو زرداری کو ملزم کے طور پر نامزد کیا گیا تھا تاہم نیب نے آج انہیں یہ کہہ کر بری کر دیا ہے کہ اس سلسلہ میں بنائی گئی جوائنٹ انویسٹی گیشن ٹیم بلاول بھٹو کے خلاف کچھ ثابت نہیں کر سکی ہے.
رپورٹ کے مطابق پارک لین پیرا تھن کیس کے حوالہ سے نیب ہیڈ کوارٹر میں اس کیس میں ریفرنس دائر کرنے کی منظوری دی گئی جس میں آصف علی زرداری کو مرکزی ملزم نامزد کیا گیا جبکہ دیگر افراد کو ملزمان کی فہرست میں شامل کیا گیا تھا لیکن مذکورہ کیس میں اب بلاول بھٹو زرداری کے خلاف ثبوت نہ ملنے پر انہیں بری کر دیا گیا ہے. بلاول بھٹو زرداری کو بری کئے جانے پر اس بات کا بھی خدشہ ظاہر کیا جارہا ہے کہ ایسا کسی ڈیل کے تحت کیا گیا ہے.