پڑوسی چاند پر پہنچ گیا ، کراچی میں بچے گٹر میں گر کر مر رہے،مصطفیٰ کمال

ایم کیو ایم کے سینئر ڈپٹی کنوینر مصطفیٰ کمال نے پریس کانفرنس کرتے ہوئے کہا ہے کہ دنیا چاند پر جا رہی ہے اور کراچی میں آج بھی گٹر کے ڈھکن نہیں ہیں،ملک چلانے والوں کو پہلے ملک بچانا ہے،جو لوگ حلقہ بندیوں کے بغیر الیکشن کا کہہ رہے ہیں ان کو شرم آنی چاہیے عمران خان عالمی عدالتوں کے لاڈلے ہیں،انتخابات کی گونج سنائی دے رہی ہے، ہم کہتے ہیں الیکشن میں تاخیر نہیں ہونی چاہیے،

مصطفی کمال کا کہنا تھا کہ 7 اپریل کو سندھ کی آبادی کو گن لیا گیا تھا، کراچی کی آبادی کو ایک کروڑ تیس لاکھ بتایا جا رہا تھا،ہم کراچی کا مقدمہ لڑنے کے لیے احسن اقبال صاحب کے پاس بھی گئے، 73 لاکھ لوگوں کو گنے بغیر مردم شماری مکمل کرنے کی منصوبہ بندی کی گئی تھی،اگر کسی کو الزام دینا ہے الیکشن میں تاخیری حربے اپنانے کا تو صوبائی حکومت کو دیا جائے، سندھ کے سب سے بڑے شہر میں گٹر کے ڈھکن نہیں ہیں، ایک طرف خبریں چل رہی ہیں کہ پڑوسی ملک چاند پر چلا گیا، ایک اسکرین پر خبر ہے بچہ گٹر میں گر کر جاں بحق ہو گیا، 2018 میں آر ٹی ایس بٹھا کر جعلی الیکشن کروائے گئے کیا ملک ٹھیک ہو گیا، ہمارا مطالبہ ہے نئی حلقہ بندیوں کے بعد انتخابات کا انعقاد ہونا چاہیے،ہمارے پاس ثبوت ہیں کہ کئی علاقوں میں گنتی ہی نہیں ہوئی

مصطفی کمال کا کہنا تھا کہ سندھ میں الیکشن لڑا نہیں جاتا الیکشن خریدا جاتا ہے ،بلدیاتی انتخابات میں ڈاکو آ رہے تھے بیلٹ باکس لیکر آپ سب نے دیکھا پاکستان اب کسی تجربے کا متحمل نہیں ہو سکتا ملک چلانے والوں کو اس ملک کو بچانا ہے پاکستان میں بجلی کا بحران پیدا ہو گیا ہے دہشتگردی کے بعد سب سے زیادہ نقصان بجلی کی چوری کا نقصان ہے

ایم کیو ایم کے رہنما اپنی سیاسی شناخت تبدیل کر سکتے ہیں مگر اعمال نہیں ،وقار مہدی
جنرل سیکریٹری پیپلزپارٹی سندھ سینیٹر وقار مہدی نے ایم کیو ایم کی پریس کانفرنس پر ردعمل میں کہا ہے کہ ایم کیو ایم والے پریس کانفرنسوں کے ذریعے اپنے جرائم پر پردہ ڈالنے کی کوشش کر رہے ہیں ‘پاکستان پیپلزپارٹی نے کراچی کے شہریوں کو مگر مچھوں سے نجات دلوائی ہے ‘گٹروں میں ریت کی بوریاں ڈالنے اور ڈھکن چوری کرنے والوں کی سیاست دیوالیہ ہو چکی ‘ ایم کیو ایم کے رہنما اپنی سیاسی شناخت تبدیل کر سکتے ہیں مگر اعمال نہیں ‘ ایم کیو ایم اور جماعت اسلامی ایک کی سکہ کے دو رخ ہیں ‘ کراچی بدل چکا ہے اب ہر ووٹر خود اپنے ہاتھ سے بیلٹ پیپر پر مہر لگائے گا ‘حلقہ بندیاں ہوں یا جو بھی صورتحال ہو شکست ایم کیو ایم کا مقدر ہے۔ پیپلزپارٹی آئندہ عام انتخابات میں کراچی اور حیدرآباد شہر سے بھی تاریخی کامیابی حاصل کرے گی۔الیکشن کمیشن جلد از جلد الیکشن شیڈول کا اعلان کرے۔

جو جیسا کرے گا ویسا ردعمل دیا جائے گا، مصطفیٰ کمال کا دبنگ اعلان

اقتدار نہیں مسائل کا حل چاہئے، مصطفیٰ کمال کا دھرنے سے خطاب

اختیارات گلی کوچوں تک پہنچنے چاہئیں،مصطفیٰ کمال

ملکی ترقی کے لیے عام آدمی کا بااختیار ہونا ضروری ہے. مصطفیٰ کمال