نواز شریف کی واپسی؛ مسلم لیگ ن کا نیا پارٹی ترانہ ریلیز

سابق وزیراعظم نواز شریف کی وطن واپسی کے موقع پر استقبال کے لیے ان کی جماعت نے نیا ترانہ جاری کردیا ہے اور سابق وزیراعظم اور نوازشریف کے استقبال کی تیاریاں کے سلسلے میں لاہور میں مسلم لیگ (نواز) کے ترانے کے اجراء کی تقریب منعقد ہوئی جس میں مسلم لیگ (نواز) نے پارٹی کا نیا ترانہ جاری کردیا جبکہ مسلم لیگ ن کی چیف آرگنائزر مریم نواز نے تقریب سے خطاب کرتے ہوئے کہا کہ ماضی ، حال اور مستقبل مسلم لیگ ن کا ہے، ملک میں ن لیگ سے بڑی کوئی جماعت نہیں، مخالفین کو پتہ ہے نواز شریف آئے گا تو ملک کا پہیہ چلے گا، نوازشریف کے مخالفین بھی نوازشریف کا راستہ دیکھ رہے ہیں۔

قائد پاکستان مسلم لیگ ن میاں نواز شریف کی وطن واپسی کے سلسلے میں “پارٹی ترانہ لانچنگ” تقریب کا آغاز۔https://t.co/8hDJovaAFI

— PMLN (@pmln_org) October 19, 2023

خیال رہے کہ مریم نواز کا کہنا تھا کہ عوام کی زندگی میں امید کا دن واپس لوٹ کر آرہا ہے اور آپ نے شہبازشریف نوازشریف کا سر نہیں جھکنے دیا، ایک ماہ کے دوران مسلم لیگ ن نے یک جان ہوکر ایک جماعت ہوکر جذبے سے نوازشریف استقبال کی تیاری کی یہ نئی مسلم لیگ ن کا جنم ہوا ہے، عاجزی سے ایک بات کہنا چاہتی ہوں اللہ کا شکر ہے پاکستان کے پاس ن لیگ سے بڑی جماعت نہیں ہے انہوں نے کہا طاقتور آئیڈیالوجی ن لیگ کے پاس ہے گراس روڈ لیول ہے وہ کسی جماعت کے پاس نہیں، ماضی اور حال کی مسلم لیگ ن ہے اور رہے گی، مریم اورنگزیب نے شہبازشریف اور میری مشاورت سے نوازشریف کی آمد کے لیے آرٹیفیشل انٹلی جنس کا استعمال کیا ہے، ترانے میں پارٹی کے اتار چڑھاؤ کی کہانی ہے۔

مریم نواز کا کہنا تھا کہ عاجزی سے کہوں گی نوازشریف کو مٹانے والے کئی آئے کئی گئے دنیا دیکھے گی نوازشریف کا عروج 21 اکتوبر کو ہوگا، ان کو دعوت دینا چاہتی ہوں جس نے نواز شریف کا بازو بن کر مشکل وقت میں نوازشریف کا پرچم بلند رکھا، جس طرح اپنے قائد بھائی سے وفا نبھائی ن لیگ آپ کو سلام پیش کرتی ہے، انکل نے جو وفا نبھائی ہے 21 اکتوبر وفا کے ثمر کا دن ہے تاہم دوسری جانب مسلم لیگ ن کے صدر شہبازشریف نے تقریب سے خطاب کرتے ہوئے کہا کہ 21 اکتوبر کو نوازشریف کا فقیدالمثال استقبال کرنا ہے، پوری قوم متحد ہوکر نوازشریف کا استقبال کرے گی، نوازشریف واپس آکر ترقی کا سفر شروع کریں گے۔