چوہدری پرویز الٰہی کی درخواست ضمانت منظور

پرویز الہی اور انکے صاحبزادے مونس الٰہی کے خلاف ایک اور مقدمہ درج کر لیا گیا

مقدمہ ایف آئی اے انسداد منی لانڈرنگ سیل نے درج کیا ،ایف آئی اے نے چوہدری پرویز اور مونس کے خلاف اہم شواہد اکٹھے کر لیے ،چوہدری پرویز الہی اور چوہدری مونس الہی نے پانامہ سیکنڈل کے راستے مبینہ کروڑوں روپے بٹورے ،چوہدری پرویز الہی و دیگر نے مبینہ منی لانڈرنگ اور حوالہ ہنڈی کیلئے پانامہ میں کمپنیوں کا استعمال کیا ،ایف آئی اے نے چوہدری پرویز الہی و دیگر کے خلاف پانامہ سکینڈل کا باقاعدہ مقدمہ درج کرلیا ،چوہدری پرویز الٰہی، چوہدری مونس الہی اور جبران خان پر مقدمہ درج کیا ،

‏لاہور کی اینٹی کرپشن نے چوہدری پرویز الٰہی کی درخواست ضمانت منظور کرلی . اینٹی کرپشن عدالت نے پنجاب اسمبلی میں بھرتیوں میں بد عنوانی کے کیس میں چوہدری پرویز الٰہی کی 10 لاکھ مچلکوں کے عوض بعد از گرفتاری ضمانت منظور کر لی خصوصی سینٹرل جج علی رضا اعوان نے فیصلہ سناتے ہوئے فوری رہائی کے احکامات جاری کر دیئے گئے۔

عدالت نے دونوں جانب سے وکلا کے دلائل مکمل ہونے پر گذشتہ روز فیصلہ محفوظ کیا تھا، پرویز الہیٰ کے وکیل نے موقف اختیار کیا تھا کہ اس کیس سے پہلےان کے موکل کو دو کرپشن کیسز سے ڈسچارج کیا گیا، ان کے خلاف کوششوں کے باوجود کوئی ثبوت سامنے نہیں لائے جا سکے، صرف سیاسی انتقامی کارروائی کا نشانہ بنایا جا رہا ہے، اس لئے انہیں ضمانت پر رہا کیا جائے-

برٹش ائیرویز کا طیارہ 30 ہزار فٹ کی بلندی پر ہچکولے کھانے لگا

اس سے قبل ایڈیشنل پراسیکیوٹر جنرل پنجاب عبداصمد نے اپنے دلائل میں گذشتہ روز کہا کہ پنجاب اسمبلی غیر قانونی بھرتیوں کیس میں پرویز الہیٰ پر الزام ہے کہ ان کے حکم پر پنجاب اسمبلی میں میرٹ سے ہٹ کر بھرتیاں کی گئیں، من پسند افراد کی تقرری کی گئی جبکہ قانونی تقاضوں کو مدنظر نہیں رکھا گیا۔

پاکستان ، سری لنکا ٹیسٹ سیریز کے شیڈول کا اعلان

اس سے قبل چوہدری شجاعت کی پرویز الٰہی سے جیل میں ملاقات ہوئی،چوہدری پرویز الہٰی سے جیل میں ملاقات کے بعد انہوں نے کہا کہ پرویز الہٰی کی طبیعت ٹھیک نہیں ہے اور اُن کے پاؤں میں سوجن ہے چوہدری شجاعت حسین نے اپنے بیٹے سالک حسین کے ساتھ ڈسٹرکٹ جیل کا دورہ کیا تھا انہوں نے پرویز الہٰی کے حوالے سے بات کرتے ہوئے کہا کہ ہمارے خاندان نے ماضی میں بھی بڑی مشکلات دیکھی ہیں اس ملاقات کے فوراً بعد حکومت پنجاب نے مستعدی دکھائی اور پرویز الہٰی کے لیے جیل میں ’بہتر کلاس‘ کی سہولیات فراہم کردی گئیں-

ہم پہ تنقید ہوگی مگر ہم کام کر کے دکھائیں گے،مرتضیٰ وہاب