اداکار میکال ذوالفقار جن کی عید الفطر پر دو فلمیں ریلیز ہوئی ہیں انہوں نے اپنے ایک انٹرویو میں کہا ہے کہ منی بیک گارنٹی میں، میں نے پٹھان کردار ادا کیا ہے ، پٹھان کا کردار تو پہلے بھی کیا تھا لیکن پٹھان کی زبان اور لہجہ پہلی بار اپنایا ہے جو کہ خاصا مشکل تھا. میں نے یہ کردار نبھانے کےلئے بہت زیادہ محنت کی ، اس میں ڈائریکٹر فیصل قریشی کو بھی ایک بڑا کریڈٹ جاتا ہے جنہوں نے ًمجھ سے یہ کردار کروا لیا. میکال نے یہ بھی کہاکہ اس عید پر میری دو فلمیں ریلیز ہوئی ہیں مجھے بہت خوشی ہے کہ سینما گھر ہوں یا بل بورڈز ہر جگہ میری تصاویر آویزاں
ہیں مجھے اس چیز کی بہت خوشی ہے. میکال نے کہا کہ میں اپنے مداحوں کا بھی شکرگزار ہوں کہ جنہوں نے ہمیشہ مجھے سراہا ، اور یہ چیز مجھے مزید اچھا کام کرنے کا حوصلہ دیتی ہے. میری کوشش ہے کہ میں آئندہ بھی ایسا کام کروں جس میں شائقین کی دلچپسی ہو. یاد رہے کہ اس عید پر میکال کی دو فلمیں ریلیز ہوئیں جن کا نام ہے ہوئے تم اجنبی اور منی بیک گارنٹی .دونوں فلموں کو شائقین دیکھنے کےلئے جا رہے ہیں.