پتوکی: سیلفی لینے کا شوق ، لڑکا دریا میں ڈوب کر ہلاک

پتوکی :سیلفی کے شوق نے کئ گھر اجاڑدیئے مگر پھر بھی منچلے باز نہیں آرہے، اطلاعات کے مطابق ایسا ہی ایک واقعہ پتوکی میں‌پیش آیا جہاں سیلفی لینے کے دوران 24 سالہ نوجوان دریا میں ڈوب گیا، ریسکیو ذرائع کے مطابق 24 سالہ عدیل لاہور صدر کینٹ کا رہائشی ہے جو فیملی کے ساتھ چھٹی منانے آیا تھا۔

امدادی ٹیم نے نوجوان کی لاش تلاش کرنے کے لیے آپریشن کا آغاز کردیا ہے۔اس سے قبل 15 جولائی کو وادی سوات سیر کرنے آئے کراچی تعلق رکھنے والے شخص اور ان کی بیٹی ڈوب کر جاں بحق ہوگئے تھے۔

17 سالہ اریش کا سیلفی لیتے ہوئے پاؤں لڑکھڑایا اور وہ دریا میں جا گری جس کو بچانے کے لیے والد نجیب شجاع نے دریا میں چھلانگ لگادی۔ نجیب شجاع کی لاش گریگلن اسٹاپ کے قریب دریا سے مقامی نوجوانوں نے ڈھونڈ نکالی جبکہ بعد ازاں لڑکی کی لاش بھی مل گئی تھی۔