باغی ٹی وی ،تلہ گنگ (شوکت ملک سے) ڈائریکٹر جنرل پنجاب لاہور اور ریجنل ڈائریکٹر ACE راولپنڈی کی ہدایت پر سرکل آفیسر اینٹی کرپشن چکوال عبدالغفار بھٹی کی شاندار کارروائی، امجد اقبال (پٹواری حلقہ ،حلقہ لیٹی 20000 روپے رشوت لیتے ہوئے رنگے ہاتھوں گرفتار، تفصیلات کے مطابق مہر محمد ولد شیر محمد نے سرکل آفیسر اینٹی کرپشن چکوال کو درخواست دی کہ وہ امجد اقبال پٹواری حلقہ لیٹی تحصیل لاوہ میں اپنے وراثتی مقصد (انتقال وراثت) کے لیے گئے تھے لیکن پٹواری حلقہ حلقہ لیٹی امجد اقبال نے غیر قانونی تسکین کے طور پر 20,000/روپے کا ڈیمانڈ کیا،جس پر انسپکٹر عبدالغفار سرکل آفیسر اے سی ای چکوال نے شیخ محمد بابر جاوید مجسٹریٹ سیکشن 30 تلہ گنگ کی زیر نگرانی ٹیم کے ہمراہ چھاپہ مارا۔ ملزم امجد اقبال پٹواری کے قبضے سے داغدار رقم 20000/روپے برآمد کر لی گئی۔ ملزم کو موقع پر گرفتار کر لیا گیا، جس پر عوامی و سماجی حلقوں نے سرکل آفیسر اینٹی کرپشن چکوال عبدالغفار بھٹی اور انکی ٹیم کو شاندار کاروائی کرنے پر زبردست الفاظ میں خراج تحسین پیش کیا ہے۔
Shares:
