پاکستان بار کونسل کا چیف الیکشن کمشنر پر اعتراض،شفاف انتخابات کا مطالبہ

پاکستان بار کونسل نے ملک میں شفاف انتخابات کرانے کا مطالبہ کیا ہے

پاکستان بار کونسل نے چیف الیکشن کمشنر کے انتخابی طریقہ کار، حلقہ بندیوں اور نشستوں کی تقسیم کے حوالے سے شدید تحفظات کا اظہار کیا اور کہا کہ موجودہ چیف الیکشن کمشنر کی موجودگی میں آزادنہ اور شفاف انتخابات نہیں کرائے جا سکتے،ایسا لگتا ہے کہ چیف الیکشن کمشنر کے پاس ہر سیاسی جماعت یا فرد کے لیے مختلف ضابطے ہیں،

پاکستان بار کونسل کی جانب سے جاری اعلامیہ میں کہا گیا ہے کہ تمام سیاسی جماعتوں کے لیے انتخابات میں لیول پلیئنگ فیلڈ ہونی چاہیے،موجودہ چیف الیکشن کمشنر کی موجودگی میں عام انتخابات آزادانہ اور منصفانہ نہیں ہو سکتے۔پاکستان بار کونسل کی جانب سے جاری اعلامیہ میں کہا گیا کہ چیف الیکشن کمشنر نے اپنے آبائی ضلع جہلم کے لئے دو قومی اسمبلی کی نشستیں مختص کیں جس کی آبادی 13 لاکھ 82 ہزار ہے،جبکہ ضلع حافظ آباد، جس کی آبادی تقریباً 13 لاکھ 20 ہزار ہے اسے صرف ایک سیٹ مختص کی گئی ہے،انتخابی عمل کی شفافیت پر سوالات اٹھ رہے ہیں،یہ واضح ہے کہ چیف الیکشن کمشنر کا طرز عمل عام انتخابات کی سالمیت کے بارے میں سنگین شکوک و شبہات کو جنم دیتا ہے، پاکستان بار کونسل ان نازک معاملات پر آنکھیں بند نہیں کر سکتی،سپریم کورٹ کو چیف الیکشن کمشنر کے ہر عمل کی توثیق کرنے کے بجائے ان تضادات کا نوٹس لینا چاہیے،پاکستان بار کونسل نے بڑا مطالبہ کر دیا

توہین الیکشن کمیشن میں جیل ٹرائل کے خلاف بانی پی ٹی آئی عمران خان کی درخواست

الیکشن کمیشن نے فیصلے میں کہا کہ کیس کا ٹرائل اڈیالہ جیل میں ہوگا

 وزارت داخٰلہ اجازت دے گی چیئرمین پی ٹی آئی کیس کی جیل میں سماعت کرلیں،

 ہم چیئرمین پی ٹی آئی پر فردجرم عائد کردیں گے دفاع میں جو پیش کرنا چاییں آپ کی مرضی

پاکستان بار کونسل کے اعلامیہ میں کہا گیا کہ پاکستان بار کونسل کا پختہ یقین ہے کہ بنیادی مقصد محض انتخابات کا انعقاد نہیں ہے بلکہ ان کا آزادانہ، منصفانہ اور شفاف طریقے سے انعقاد، تمام اسٹیک ہولڈرز کو یکساں مواقع فراہم کرنا ہے،پاکستان بار کونسل نے وکلاء کنونشن بلانے کا اعلان کرتے ہوئے کہا کہ کنونشن کا مقصد آزادانہ، منصفانہ اور شفاف عام انتخابات کے انعقاد کو یقینی بنانا ہے جو کہ موجودہ چیف الیکشن کمشنر کی موجودگی میں ممکن نہیں،

سپریم کورٹ بار ایسوسی ایشن کا چیف الیکشن کمشنر سکندر سلطان راجہ سے مستعفی ہونے کا مطالبہ
سپریم کورٹ بار ایسوسی ایشن نے بھی چیف الیکشن کمشنر سکندر سلطان راجہ کے زیر نگرانی انتخابات پر تحفظات کا اظہار کر دیا ،سپریم کورٹ بار ایسوسی ایشن نے چیف الیکشن کمشنر سے مستعفی ہونے کا مطالبہ کر دیا، سپریم کورٹ بار کی جانب سے جاری اعلامیہ میں کہا گیا کہ موجودہ حالات میں چیف الیکشن کمشنر کو گھر جانا چاہیے کیونکہ ان کے زیر نگرانی شفاف انتخابات ممکن نہیں،موجودہ چیف الیکشن کمشنر کی زیر نگرانی انتخابات کی شفافیت پر بہت سے سوالات اٹھ رہے ہیں، انتخابات 8 فروری کو ہی ہوں لیکن تمام اسٹیک ہولڈرز کو یکساں مواقع فراہم کیے جائیں،شکایات کو دور کیے بغیر محض انتخابی ٹائم لائنز پر عمل کرنا استحکام کو نقصان پہنچا سکتا ہے،اس سے پہلے بھی شکوک و شہبات دور کیے بغیر انتخابات کے انعقاد سے قیمتی وسائل اور ملک کا نقصان ہوا تھا،