پی ڈی ایم کا اجلاس کل کراچی میں ہو گا
پاکستان ڈیموکریٹک موومنٹ میں شامل جماعتوں کا اجلاس کل ہفتہ کو کراچی میں پی ڈی ایم کے سربراہ مولانا فضل الرحمان کی صدارت میں ہوگا۔اجلاس میں شہباز شریف اور دیگر رہنما شریک ہوں گے۔اجلاس میں اتوار کو مزار قائد پر پی ڈی ایم کے جلسے پی ٹی آئی حکومت کے خلاف احتجاجی تحریک اور دیگر امور پر مشاورت ہوگی۔
اجلاس کے بعد مولانا فضل الرحمن۔شہباز شریف اور دیگر رہنماپریس کانفرنس کریں گے۔دریں اثناء کہ جے یوآئی ف کے ترجمان اسلم غوری کے مطابق مولانا فضل الرحمان کراچی میں تین دن قیام کریں گے۔مولانا فضل الرحمان ہفتہ کو پی ڈی ایم کے سربراہی اجلاس کی صدارت کریں گے۔ مولانا فضل الرحمان اتوار کو کراچی میں استحکام پاکستان و حقوق سندھ جلسہ کی صدارت کریں گے۔مولانا فضل الرحمان پیر کو کراچی میں پارٹی قیادت سے ملاقاتیں کریں گے۔
