پی ڈی ایم کا ملتان جلسہ ہو گا یا نہیں؟ رانا ثناء اللہ نے بڑا اعلان کر دیا

پی ڈی ایم کا ملتان جلسہ ہو گا یا نہیں؟ رانا ثناء اللہ نے بڑا اعلان کر دیا

باغی ٹی وی کی رپورٹ کے مطابق مسلم لیگ ن کے رہنما رانا ثناء اللہ نے کہا ہے کہ پی ڈی ایم 30 نومبر کو ملتان میں جلسہ کرے گی،

رانا ثناء اللہ کا کہنا تھا کہ ملتان میں پی ڈی ایم کا جلسہ ریفرینڈم ہوگا ،موجودہ حکومت میں ہر طبقہ رو رہا ہے،نالائق حکومت نے معیشت کو تباہ کردیا ،پاکستان خارجہ محاذ پر تنہا ہوگیا، غلط فیصلوں کے باعث زراعت تباہ کردی گئی ،

رانا ثناء اللہ کا مزید کہنا تھا کہ یہ معاشی بدحالی غلط پالیسی اور بر وقت فیصلے نہ کرنے کی وجہ سے ہے،کسانوں کے ساتھ ظلم کیا جا رہا ہے،تمام سبسڈی ختم کردی اور اشیا کی قیمتیں بڑھادی گئیں کسان اورمزدور طبقہ پی ڈی ایم کا ساتھ دے،

رانا ثناء اللہ کا مزید کہنا تھا کہ فوری طور پر انتخابات مسائل کا حل ہیں ،پہلے مرحلے میں جلسے کررہے ہیں 2مرحلے ابھی باقی ہیں ،گلگت بلتستان الیکشن میں دھاندلی نہ کی جائے ہمیشہ الیکشن میں پری پول دھاندلی کی جاتی ہے گلگت بلتستان میں 4ماہ پہلے تحریک انصاف بنائی گئی ،ن لیگ پی ڈی ایم کے علاوہ کسی پلیٹ فارم سے مذاکرات نہیں کرے گی،