لاہور: آسٹریلوی کرکٹرایڈم زمپا نے کہا ہے کہ پہلی دفعہ پاکستان آیا ہوں کافی اچھا لگ رہا ہے۔
باغی ٹی وی : آسٹریلوی کرکٹر ایڈم زمپا نے ورچوئل پریس کانفرنس کرتے ہوئے کہا کہ وائٹ بال اسکواڈ میں بعض کھلاڑیوں نے ابھی تک آسٹریلیا کی نمائندگی کی ہے اور ایسے اسکواڈ میں میری ذمہ داری بڑھ گئی ہے۔
انہوں نے کہا کہ ایرن فنچ بہت سپورٹ کرتے ہیں اور ایرن فنچ مجھ سمیت دیگر کھلاڑیوں کو بھی سپورٹ کرتے ہیں۔ پہلی دفعہ پاکستان آیا ہوں کافی اچھا لگ رہا ہے۔
ایڈم زمپا نے کہا کہ پاکستان کے ساتھ ہمیشہ مقابلہ سخت رہا ہے جبکہ مڈل آرڈر اور لوئر آرڈر کو ٹارگٹ کروں گا ٹیسٹ کرکٹ ون ڈے سے مختلف ہوتی ہے۔
انہوں نے کہا کہ وائٹ بال کرکٹ میں نئی وکٹیں بنیں گی اور نیتھن لائن نے وکٹ پر پڑے پیچز کا استعمال کیا ہے-
قذافی اسٹیڈیم میں کھلاڑیوں کی یوم پاکستان منانے کی تصاویر وائرل
واضح رہے کہ پاکستان کے خلاف ون ڈے سیریز کے لیے آسٹریلوی اسکواڈ لاہور پہنچ چکا ہے لاہور پہنچنے والے آسٹریلوی اسکواڈ میں 14 ارکان شامل ہیں، دونوں ٹیموں کے درمیان پہلا ون ڈے میچ 29 مارچ کو کھیلا جائے گا جبکہ یہ چار میچز 29 مارچ سے 5 اپریل تک قذافی اسٹیڈیم لاہور میں کھیلے جائیں گے۔
پاکستان کے خلاف 3 ون ڈے اور ایک ٹی ٹوئنٹی انٹرنیشنل میچ کیلئے آسٹریلیا کی محدود اوورز کی کرکٹ ٹیم کے کپتان ایرون فنچ اور دیگر کھلاڑی پاکستان پہنچے ہیں۔
ایرون فنچ نے ٹوئٹر پر ٹریننگ کی تصاویر اپ لوڈ کرتے ہوئے لکھا تھا کہ پاکستان جانے سے قبل میلبرن میں کچھ دن اچھی ٹریننگ کی۔
پاکستان اور آسٹریلیا کے مابین ون ڈے سیریز 29 مارچ سے لاہور میں شروع ہوگی۔لاہور میں 3 ون ڈے میچز کے بعد ایک ٹی ٹوئنٹی بھی کھیلا جائے گا۔
سابق کپتان اورفاسٹ باولر وقار یونس پی سی بی ہال آف فیم کا حصہ بن گئے
