پرویزالٰہی کے ریمانڈ میں توسیع

جوڈیشل کمپلیکس اسلام آباد،پرویز الٰہی کو جوڈیشل ریمانڈ مکمل ہونے پر جوڈیشل کمپلیکس پہنچا دیاگیا

پرویزالٰہی کو پولیس نے سخت سیکیورٹی کے تحت جوڈیشل کمپلیکس پہنچایا ،پرویز الٰہی کو ڈیوٹی جج شاہ رخ ارجمند کی عدالت پہنچایا گیا،اےٹی سی جج ابوالحسنات ذوالقرنین کی رخصت کے باعث پرویزالٰہی کو ڈیوٹی جج کے سامنے پیش کیاگیا،پرویز الٰہی کے ہمراہ وکیل صفائی سردارعبدالرازق بھی عدالت پیش ہوئے،

ڈیوٹی جج شاہ رخ ارجمند نے استفسار کیا کہ کیا پرویزالٰہی کی حد تک چالان عدالت جمع ہوگیا ہے؟ اےٹی سی عدالتی عملہ نے کہا کہ پرویزالٰہی کی صرف جوڈیشل ریمانڈ کی توسیع کرنی ہے،تفتیشی افسر نے کہا کہ پرویزالٰہی کی حد تک چالان آگیاہے، نوٹس بھی ہوگیاہے، ڈیوٹی جج شاہ رخ ارجمند نے کہا کہ شریک ملزمان کے ساتھ ہی پرویزالٰہی کی بھی اگلی تاریخ رکھ لیتےہیں،

پرویزالٰہی کرسی سے اٹھ کر روسٹرم پر آگئے اور عدالت میں کہا کہ نہیں 24 اکتوبر تاریخ نہیں رکھنی، وکیل صفائی سردارعبدالرازق نے استدعا کی کہ 24 اکتوبر سے لمبی تاریخ رکھ دیں، پرویز الٰہی کی لاہور کی عدالت بھی پیشی ہے،عدالت نے پرویزالٰہی کے خلاف کیس کی سماعت 24 اکتوبر تک ملتوی کردی

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

جو جیل والا کھانا دیا جا رہا ہے، اس سے کل سے میرا پیٹ خراب ہے، پرویز الہی
سابق وزیر اعلیٰ پنجاب پرویز الہی نے صحافیوں سے غیر رسمی گفتگو کرتے ہوئے کہا کہ عمران خان صاحب سے جیل میں تو رابطہ نہیں ہو سکتا، جو جیل والا کھانا دیا جا رہا ہے، اس سے کل سے میرا پیٹ خراب ہے، مشکل سے یہاں پہنچا ہوں کیونکہ فوڈ پوائزنگ ہو جاتی ہے،5 مہینے سے جیل کاٹ رہا ہوں، کوئی گھبراہٹ نہیں، مضبوطی کے ساتھ عمران خان کے ساتھ کھڑے ہیں، الیکشن کا ماحول بنے گا تو ہاتھ باندھ کے تو الیکشن نہیں ہو گا،عمران خان کے بغیر الیکشن بے معنی ہو گا، سائفر کیس کوئی بڑی بات نہیں ہے عمران خان اور شاہ محمود قریشی سائفر کیس میں سرخرو ہوں گے، خان صاحب کے سیل کی دیوار گرائی گئی ہے جس سے کچھ بہتری ہوئی ہے،