فلسطینی صدر محمود عباس نے فلسطین کے مسئلے پر سعودی عرب کے کردار کو قابل تعریف قراردے دیا
باغی ٹی وی :فلسطینی اتھارٹی کے صدر محمود عباس نے سعودی عرب کے یوم الوطنی کی مناسبت سے خادم الحرمین الشریفین شاہ سلمان بن عبدالعزیز آل سعودی کو تہنیئت کا پیغام بھیجا ہے۔
سعودی فرمانروا کے نام اپنے برقیے میں ابو مازن نے فلسطین کے ساتھ مملکت کے اظہار یکجہتی کی تعریف کرتے ہوئے فلسطینی صدر نے کہا کہ سعودی عرب قضیہ فلسطین کے حوالے سے اہم اور سرگرم کردار ادا کر رہا ہے۔
عرب ممالک کے اسرائیل سے تعلقات:نبیوں کی سرزمین سے بے وفائی: فلسطین نے عرب لیگ کی صدارت چھوڑدی
تعلقات:نبیوں کی سرزمین سے بے وفائی: فلسطین نے عرب لیگ کی صدارت چھوڑدی،اطلاعات کے مطابق فلسطین نے متحدہ عرب امارات اور بحرین کی جانب سے اسرائیل کے ساتھ سفارتی تعلقات بحال کرنے کی مذمت نہ کرنے پر علاقائی تنظیم عرب لیگ کی صدارت چھوڑ دی۔
فلسطین کو اگلے 6 ماہ تک عرب لیگ کے اجلاسوں کی صدارت کرنا تھی لیکن آج رام اللہ میں پریس کانفرنس کے دوران فلسطین کے وزیر خارجہ ریاض المالکی نے عرب لیگ کی صدارت سے مستعفیٰ ہونے کا اعلان کیا اور کہا کہ فلسطین صرف موجودہ اجلاس کی صدارت کرے گا۔
خیال ر ہے کہ 9 ستمبر کو فلسطین کی صدارت میں عرب لیگ کے 22 رکنی ممالک کے وزرائے خارجہ کا اجلاس ہوا تھا جس میں فلسطین کی جانب سے اسرائیل عرب ممالک معاہدوں پر مذمتی قرار داد پیش کی گئی تھی جس پر رکن ممالک نے اتفاق نہیں کیا تھا۔اس کے بعد 15 ستمبر کو متحدہ عرب امارات اور بحرین نے اسرائیل سے تعلقات قائم کرنے کے معاہدے پر دستخط کیے تھے۔
اِس معاہدے کے بعد اسرائیل کو تسلیم کرنے والی عرب ریاستوں کی تعداد 4 ہوگئی ہے، اس سے قبل 1979 میں مصر اور اردن 1994 میں اسرائیل کو تسلیم کرچکے ہیں۔واضح رہے کہ علاقائی تنظیم عرب لیگ میں سعودی عرب، قطر، متحدہ عرب امارات، لبنان، لیبیا اور قطر سمیت 22 ممالک شامل ہیں
