نوازشریف کے سیاسی فرزندوں کا وزیراعظم کے معاون خصوصی شہبازگل سےاعلیٰ‌ اخلاق اور پیاربھرارویہ،لوگ بھی تعریف کرنے لگے

لاہور:ن لیگی کارکنان کا شہبازگل سے پیاربھرارویہ،لوگ بھی تعریف کرنے لگے،اطلاعات کے مطابق وزیرِ اعظم عمران خان کے معاونِ خصوصی شہباز گِل اپنے خلاف توہین عدالت کے کیس کی سماعت کے موقع پر لاہور کی عدالت میں پیش ہوئے، اس موقع پر بد نظمی کا مظاہرہ دیکھنے میں آیا۔

ذرائع کے مطابق عدالت سے واپسی پر نون لیگی کارکنوں نے شہبازگِل کے خلاف نعرے لگائے۔نون لیگی کارکنوں نے شہباز گِل کی گاڑی کے سامنے آنے کی کوشش کی جنہیں پولیس نے ہٹا دیا۔

اس موقع پر میڈیا سے گفتگو کرتے ہوئے شہباز گِل نے الزام عائد کیا کہ نون لیگی کارکنوں نے میری گاڑی پر پیچھے سے حملہ کیا۔انہوں نے کہا کہ مجھے عدالت کا پہلا سمن ملا اور میں حاضر ہو گیا ہوں، عدالتوں کا احترام ہماری پارٹی کی پالیسی ہے، امریکا تو مجھے جانا نہیں، پڑھانے کا کام چھوڑ آیا ہوں۔

اس موقع پرنوازشریف کے کارکنان نے چینی چور ،آٹا چور، بجلی چور کے نعرے لگاتے پیچھا کرتے رہے اورڈاکٹرشہبازگل بڑی فراخدلی سے ان کی شرارت بھرے نعروں‌کوسنتے آگے بڑھتے رہے اورکمرہ عدالت سے باہرآگئے

جس کے جواب میں ڈاکڑ شہباز گِل نے کہا کہ میٹرو بس کمپنی ہماری حکومت میں کم پیسوں پر سروس فراہم کر رہی ہے، اب فرق صرف اتنا ہے کہ اوپر چور نہیں، عمران خان بیٹھا ہوا ہے۔

نوازشریف کے سیاسی فرزندوں کا وزیراعظم کے معاون خصوصی ڈاکٹرشہبازگل سے بہت پیاربھرا سلوک ، زبردست اعلیٰ اخلاق لوگ بھی عش عش کراٹھے،آپ بھی ملاحظہ فرمائیں اورخوب داد بھی دیں pic.twitter.com/5Doq86ixGv

— Baaghi TV باغی ٹی وی (@BaaghiTV) January 6, 2021

انہوں نے کہا کہ اس کمپنی نے میرے اوپر توہینِ عدالت کا کیس کیا ہوا ہے، اس کمپنی کا معاہدہ 3 اعشاریہ 8 صفر فی کلو میٹر کا تھا، یہی کمپنی اب 1 اعشاریہ 86 فی کلو میٹر پر بس چلا رہی ہے، یہی کمپنی اب عوام کو 1 اعشاریہ 94 فی کلومیٹر کا فائدہ دے رہی ہے۔

شہباز گِل نے کہا کہ میں نے یہی سوال پوچھا ہے کہ پہلے 1 اعشاریہ 94 فی کلومیٹر کہاں جا رہے تھے، کیا یہ سلمان شہباز کے پاس جا رہے تھے یا کسی اور کے پاس جا رہے تھے؟

انہوں نے کہا کہ میں اپنے وکلاء سے کہوں گا کہ اس کمپنی کے اکاؤنٹس اور سارے کوائف منگوائے جائیں، وکلاء سے کہوں گا کہ سلمان شہباز کو بھی عدالت میں پیش کرنے کا کہیں، تاکہ پتہ چل سکے کہ عمران خان کے آنے کے بعد دس بیس نہیں بلکہ ریٹ میں سو فیصد کمی آئی ہے۔

شہباز گِل کا کہنا ہے کہ شہباز شریف نے لاہور میں میٹرو بسیں چلانے کیلئے بہت مہنگا ٹھیکہ دیا، ٹھیکے کی بات کرنے پر میرے خلاف شہباز شریف کی من پسند کمپنی نے کیس کر دیا، وزیرِاعظم عمران خان کے حکم پر عوامی پیسے کو بچایا جا رہا ہے۔