پہلے نیا وزیراعظم آئے گاپھرترمیم ہوگی اورابوجیل سے باہرہوں گے،بلاول بھٹوکی میڈیا سے گفتگو

راولپنڈی : پیپلزپارٹی کا آصف زرداری کی طبی بنیاد پردرخواست ضمانت دائرکرنےکااعلان ،اطلاعات کے مطابق پاکستان پیپلزپارٹی نے بھی اپنے رہنما کی ضمانت کے لیے عدالت سے رجوع کرنے کا اعلان کردیا ، اس بات کا اعلان چیئرمین پاکستان پیپلزپارٹی بلاول بھٹوزرداری نے اپنے ابو آصف علی زرداری سے ملاقات کے بعد کیا ،

پیپلزپارٹی کے چیئرمین بلاول بھٹو زرداری نے اڈیالہ جیل میں‌ملاقات کے بعد میڈیا سے گفتگو کرتے ہوئے کہا کہ ہم سب سپریم کورٹ کےتفصیلی فیصلے کے منتظر ہیں،امید ہے عدالتی فیصلے سے ہمیں قانون سازی میں رہنمائی ملےگی،بلاول بھٹو زرداری نے کہا کہ پیپلزپارٹی اپنے نظریےاور موقف سےپیچھے ہٹنے کو تیار نہیں ہے،

بلاول بھٹونے کہا کہ آصف زرداری سے ملک کی سیاسی صورتحال پر تفصیلی بات ہوئی،پیپلزپارٹی آصف زرداری کی میڈیکل بیل کے لئے اپلائی کرے گی،ہمیں پاکستانی ڈاکٹرز پر زیادہ اعتماد نہیں ہے، میڈیا سے بات کرتے ہوئے بلاول بھٹو نے کہا کہ حکومت تین ماہ میں ایک نوٹیفکیشن نہ بنا سکی، پیپلزپارٹی 27 دسمبرکو لیاقت باغ سے ایک بار پھر صاف اورواضح پیغام دے گی،مجھےنہیں لگتاہے کہ حکومت 6 ماہ میں قانون سازی پراپوزیشن کواعتماد میں لےپائی گی،

بلاول بھٹونے مزید کہا کہ پیپلزپارٹی 27 دسمبرکو لیاقت باغ سے ایک بار پھر صاف اورواضح پیغام دی گی ،بلاول بھٹو نے کہا کہ ایسا لگ رہاہےکہ وزیراعظم اپوزیشن کےساتھ اتفاق رائے نہیں چاہ رہے ،بلاول بھٹونے کہا کہ 18ویں ترمیم پر بھی عدالتی فیصلے سے رہنمائی ملی تھی