مقبوضہ کشمیر میں‌ بھارتی مظالم پر عوام طاہرالقادری کے ردعمل کو ترس گئی

لاہور : بھارت کی طرف سے کشمیر کو ہتھیانے اور مقبوضہ وادی میں مظالم کی انتہا کرنے پر جہاں اپنے بیگانے سب مودی سرکار کو آڑے ہاتھوں لے رہے ہیں وہاں کشمیر اور کشمیریوں سے محبت کرنے والے انسانی حقوق کے چند دعوے داروں کی طرف سے بھارت کی مذمت اور کشمیریوں سے وفا کے بیانات کو ترس گئے ہیں

باغی ٹی وی کے مطابق سوشل میڈیا پر اس وقت صارفین پاکستان عوامی تحریک کے سربراہ علامہ ڈاکٹر طاہرالقادری کی طرف سے مودی سرکار کے لیے مذمتی بیان کا کئی دنوں سے انتظار کررہے ہیں، صارفین کا کہنا ہے کہ علامہ ڈاکٹر طاہر القادری کو بھی کشمیری مسلمانوں پر بھارتی مظالم کی مذمت کرنے چاہیے تھی لیکن تین ہفتے ہوگئے ایسا کوئی بیان ابھی تک سامنے نہیں‌ آیا جس سے مودی کی حوصلہ شکنی اور کشمیریوں کی حوصلہ افزائی ہوتی ہو